 "Tiyang lakar nulungin Luh, nanging buin pidan Luh harus nyak masih nulungin tiyang. Nyak Luh dadi kurenan tiyang?" I Nyoman Suartha negak ajak dadua ngajak Luh Ratna di pasisi sambil madaar lumpia. Â
"Becik pisan suryane keleb ring kauh nggih, Bli?"Â
"Iluh de nganti topik orta. Nyak sing Luh dadi kurenan Bli?"Â
"Bli Man... Bes selid Bli Man ngorto keni. Iraga nu dadi seka teruna di Banjar, nu cenik dadi sing matunangan. Apa buin makurenan!" Luh Ratna usil mecanda teken Suartha. Nanging Suartha sing nyak macanda.
 "Tiyang serius niki Luh. Kone Luh ngorang mekite masuk masekolah. Bli je ane mayahang biaya sekolah Iluhe. Nanging ada syarat. Bli Man yakin Luh Ratna ngidang nyanggupin syarat Bline."Â
"Bli Man! Suud monto ngorto keni! Jeg, jejeh tiyang baane. Tiyang onden siap dadi mantu. Tiyang nu mekeneh melali ngitaring Bali, Jawa lan gumi Indonesia. Lemah nu lantang Bli Man." Luh Ratna ngesopin Suartha lumpia mabasa kecap misi tabia gadang. Â
"Yih! Seken-seken ni Luh!" "Tiyang masih seken-seken ni Bli! De pisan Bli maksa-maksa keneh tiyange. Sawireh, tiyang sane ngajalanin idup tiange padidi!"Â
"Bah, bengkung gati Iluh niki puk!" I Nyoman Suartha nyolek basa kecap di pipine Luh Ratna. Macande mesra makadaduan. "Bah, Bli Man..."
Suryane sampun keleb. Pasisine sakancan nyuungan. Bawak satua, jani Luh Ratna lan I Nyoman Suartha negakin montor mulih. Jalane suung lan dingin. Luh Ratna neked jumahne. Ngucapin suksma lan ngalambaingan limane. Berpisah teken Suartha lakar mulih.Â
*** Â
Munyin gamelane sane becik pisan, lengut, tur ngelangunin ngiringin upakara pawiwahan I Nyoman Suartha lan Ni Luh Putu Ratna. Rame pisan pisagane lan pasawitran sane makundangan iriki. Â Liu pisan ada deadaran. Tamiu-tamiune pada demen teken upakarane sane sakral lan girang. Â
