Wah, gampang! Sayurane diumbah resik, banjur dipithili. Nggawe jangane kari nggodhok banyu nganti umob, terus nyemplungno sayuran lan bumbu dadi. Yen kurang asin yo kari nambah uyah. Ben tambah sedhep lan nyamleng, tambahi micin sakpucuke sendok teh. Dijamin maknyus!
Nggawe bakwan jagung yo gampang. Ora usah diuleg. Jagunge disisit ae, ora usah alus-alus nemen mengko mundhak ilang kranchi ne. Banjur dicampur karo tepung bakwan sing iklane dibintangi Nagita Slavina. Jarene yen nggawe tepung iki bakwane bakal renyah di luar, lembut di dalam. Apa iya?
Sakwise kabeh wes cumepak, banjur digoreng. Minyak gorenge ora perlu akeh-akeh, larang je! Gorengan sing pertama bakwane ora rupa, adonane ambyar ora mbentuk. Â Iso-iso kurang tepung apa aku kakehan menehi banyu mau yo? Padahal tepung bakwane wes tak kabehno mau. Hm, tambah tepung terigu biasa wae ora popo. Kebeneran ndik nduwur kulkas ana tepung sakplastik. Rupane putih kaya tepung tapi koyok onok wangi-wangine lan yen kecekel tangan koyok rada lunyu. Ah, rapapa mungkin wae iki tepung anyar. Tapi ora ana labele, polosan ngunu. Mungkin Bulik tumbase tepung curah kiloan iki.
Tepunge  tak campur ndik adonan banjur tak goreng. Welah bener tepunge tepak iki, bakwane ora ambyar, bentuke pas tapi ana ambune sing kayake aneh. Wangi-wangi yokpo ngunu.
"Yen, tulung jupukno kalsium ndik nduw ur kulkas," Â Paklik ujug-ujug ana ing mburiku.
"Kalsium nopo Paklik?" Aku ora mudheng.
"Iku lho semen putih, wingi aku tuku arep tak gae ngelus tembok sing mari tak susruki iku." Paklik nuding kulkas.
"Niki ta?" Tanganku gemeter nyekel bungkusan plastik sing tak kiro tepung.
"Lha kok wes kalong, Yen." Paklik katone nggumun.
Aku ora njawab, age-age ngringkesi bakwan jagung sing wes mateng.
Â
