Nggoreng Sego

Lagi entuk sakgorengan, keprungu suarane Paklik Dar. "Aja pedhes-pedhes Rin, wetengku sek error."

Pedhes apane? Sego thok kok pedhes. Pancen wong aneh. Segone iki kok yo akeh men, kelet-kelet maneh. Opo dikepeli wae yo koyok Ibu yen nggae mendol?  Utowo dicithak nggae sendok kaya Ibu yen nggae bakwan jagung?

"Wes dadi, Rin? Suwe men, wetengku luwe tenan iki, mangan isuk thok mau." Paklik ngageti aku. Mripate melotot weruh aku sing lagi repot nyuwili  sego siji-siji banjur tak goreng ndik lengo panas.

"MasyaAllah, Rin! Mangkane suwe!"  Paklik mbengok seru.

"Lha ngge to Paklik, sanjange sami mawon kale nggoreng tempe. Segone kelet-kelet maneh, niki pun angsal separo. Njenengan terusaken mawon, kulo ngantuk." Anyel aku, wes direwangi repot-repot kok malah moring-moring.

"Sek to, Rin, kowe ki ora tau weruh sego goreng ta?"

"Lha Paklik sanjange nggoreng sego sanes damel sego goreng,"  jawabku. Aku ora salah to?

Paklik ngukur rambute seng tambah keriting. Koyok nesu tapi kok rupane lucu ngunu. Ngguyune diempet.

"Yo, wes-wes. Tak nyeplok endog wae, kayake dipangan karo gorengan segomu enak."

"Ngge Paklik, laptope kulo pendet ngge."

Paklik malah malangkerik. "Ora laptop-laptopan. Turu kana, wes bengi!"