"Halo, kenapa Ratih?" Pitakone Wulan saka sebrang.
"Halo, Wulan tulung aku, tulung lacakno hpku nganggo akun email e awak dewe. HP ku ilang Wulan, " Wangsulane Ratih sinambi nangis.
Galih sing krungu tangise Ratih, saiki nyawang Ratih kanthi rasa welas.
"Ha? Awakmu serius Rat? Awakmu nang endi saiki? Aku bakal nglacakno HP mu," ujare Wulan
"Aku ning Bukit Bintang Lan."
"Heh HP mu mati Rat, lokasi e ora bisa dilacak."
"Ha? Sumpah? Ahg piye iki Lan," Eluhe Ratih sansaya suwe.
"Apa sampeyan wis nggoleki ing kono? Wis takon tukang parkir?" Pitakone Wulan.
"Oh ya, aku durung takon karo tukang parkir e Lan, oke tak coba dhisik, aku tutup dhisik ya Lan Telpon e, matur nuwun Lan," Wangsulane Ratih.
"Iya Ratih, muga-muga bisa cepet ketemu ya."
Ratih lan Galih langsung marani Bukti Bintang maneh arep takon marang tukang parkir. Sawise tekan kana, Galih langsung mudhun saka motore lan nyedhaki tukang parkir ing kana.
