Cerpen | Nyanyi Sunyi, Tembang Malam

Doa puji puja pada Penguasa semesta raya. Bergumam dan berdendang. Menari dan berpuisi di bawah terang bulan.

Angin bergemuruh entah dari mana. Awan mega bergulung-gulung. Rasanya seperti hendak hujan. Namun tidak juga kunjung turun. Asap dupa kian bergaung. Wangi harum bunga panca warna. Ada suara air terjun namun tak ada wujudnya. Angin dingin menusuk tulang. Hari semakin gelap, si anak semakin hilang kesadaran. Lalu jatuh tersujud. Sunyi. Hilang bunyi.

Bismillahirrahmanirrahim, niat ingsun sedya caos puja pujining hyang luhur wonten ngarsanipun ibu bumi soho bopo langit, langkung-langkung dumateng ngarsanipun Gusti Allah ingkang siniwoko lenggah ing kasuwargan langgeng papanipun sedoyo tiyang lan sedoyo titah Dhalem badhe wangsul lan makempal dados setunggal. 

Injih Panjenengan ndalem ingkang nitahaken samudayanipun ingkang gumelar lan ingkang gumulung, ingkang gesang soho ingkang mboten gesang, ingkang wadag lan ingkang sanes wadag, ingkang mursyid soho ingkang murid, ingkang minulyo soho ingkang asor, samudayanipun ingkang wonten ing pundi papan tansah ngayomi, ngayemi, memayung lan nyengkuyung sedoyo kasaenan ing gesang.

Kepareng hangaturaken wonten ing mriki caos pepudyan arupi sekar gangsal warni injih puniko mawar abrit lan petak, kanthil, mlati, lan kenanga ingkang murugaken gegambaran gangsal perkawis ing manungso injih wadag, sukmo, niat, raos lan batos ingkang satuhu badhe tansah tetunggilan lan manembah ing Pangeran. 

Sekar mawar abrit lan petak mugi dados gegambaran bilih wontenipun kawulo meniko injih awit saking wontenipun bopo lan ibu. Bopo langit lan ibu pertiwi ingkang kajiwo kasaliro dados sarono tetunggilanipun sedoyo trah tumerahipun bongso ing tanah jawi lan nuswantoro. Mugi tansah langgeng mardiko tansoyo agung, tansah mulyo tetelo dados pinunjul lan tepo tulodho bangsa sanesipun; mugi tebih saking sedoyo godha rencana, nir ing bebendu, nir ing beboyo, nir ing sambikolo ingkang dados crah lan bubrahing bebrayan ageng nuswantoro. 

Sekar kanthil setunggal mugi dadosa gegambaranipun manunggaling niat tansah kumantil wanginipun, kumantil dayanipun, kumathil budhi pekertinipun wonten ing pasrawungan, ing pakaryan lan pagesangan kawulo ing pundi kemawon. Mugi sekar kanthil meniko ugi dados gegambaran amrih tansah kemanthil-kanthil anggenipun laku sinatria utama ingkang andap asor, alus, tulus, tresno lan purun tetulung kaliyan sinten kemawon. Tansah ngugemi atur sugih tanpo bondho, nglurug tanpo bolo, lan menang tanpo hangasorake. Tebih ing crah suloyo nopo malih paben memengsahan ingkang tundonipun nebihaken kawulo saking Gusti.   

Sekar melati sajimpit mugi dados pralambang tulusing ati utaminipun raos soho batos badhe netepi sedoyo prentah Dhalem lan nyingkur sedoyo larangan nDhalem Gusti. Niatipun ati tumusing budhi mugi tansah anjalari kawulo saget dados titah ingkang migunani tumrap kulowargo, sederek kiwo tengen lan utaminipun tumrap agama, bangsa lan nagari. 

Sekar kenanga mugi dados pralambangipun batos ingkang tansah tebo-tebo nyenyuwun kamirahan nDalem Gusti supados tansah eling kenangapa aku urip. Mugi dadosa pancataning lampah kawulo sasampunipun eling lan mangertos bilih gesang meniko ateges ngemban amanahipun Gusti ingkang akarya jagat, injih Gusti Allah setunggal. 

Dene arupi dupo minongko gegambaran kawulo titah sekeng lan alit badhe tansah dedepo nyenyuwun sedoyo kamirahan ing agesang supados lancar lan gampil anggenipun pados pangupojiwo lan pagesangan saben dintenipun.  

Sekul golong setunggal mujudaken golong giliging manah ingkang prasetyo janji badhe nampik sedoyo polah pakaryaning syetan, goda lampahing iblis ingkang satemah badhe nebihaken kawulo saking Gusti.