Ingat dulu dulu,
saat cinta mekar wangi di pundak Bapak
makan nasi pasti ada tambo
minum kopi mesti ada roko
pigi sekolah dapa antar
pulang sekolah dijemput, tepat waktu
cinta su paling utuh
Ingat dulu dulu,
saat kasih sayang masih basah di Mama pu pangku
uang saku ti pernah bolos
lapar ti pernah jadi tamu
tidur su pasti dapa peluk
apalagi doa su setia jadi selimut
itu cinta yang paling jujur
Skarang waktu su kuras dong pu usia
Bapak pu kulit su keriput
Mama pu kaki su nyilu
cinta pelan pelan bikin rapuh
Bapak pu pundak kokoh su jadi bongko
su bukan lelaki tangguh, selalu jadi bahu paling teduh
usia su bikin dia lumpuh
Apalagi, Mama pu raut su kerut
su bukan perempuan ceria yang setia di meja makan
sambut dengan senyum
tepuk dada, redam air mata, sesal sesal jadi sesak di dada
============
Skarang su beda,
tuak koli yang Bapak ramu penuh cinta, su berserat
pukat pukat nafkah yang Bapak tebar dengan setia, su jadi sampah
cangkul tua yang jadi teman di Bapak pu pundak, su jadi besi tua
segalanya su jadi cerita untuk dong pu cucu cucu
usia su kas kalah Bapak pu raga
su kuras bapak pu talenta
tapi ti akan pernah bisa, rebut Bapak pu surga ;
keluarga
Skarang su beda,
tangan lembut Mama yang lahirkan seribu tenun
yang sapu sapu di kepala
yang sajikan aroma cinta di piring makan
yang peluk cium dengan doa di genggaman
segalanya su jadi cerita untuk dong pu cucu cucu
usia su renggut Mama pu tulus
su curi Mama pu kesetiaan
tapi ti akan pernah bisa, ambil Mama pu cinta ;
seutuhnya
==========
Terima kasih,
su bantu sa berdiri saat jatuh bikin sa rapuh
lalu tegar tuk setiap masalah
su bawah sa pijak kaki tumbuh dewasa
berjalan tanpa rasa takut
su kas tanam cinta yang begitu tulus
sampe dapa bagi di sa pu rusuk
Untuk orang tetua, tiada balas yang akan sama
hanya puisi puisi jadi syair pujian
temani waktu jejaki sisa usia
sampe takdir bikin pisah
sampe saat sa tepuk dada, tabur doa,
relakan dengan air mata
tapi cinta, ti akan pernah usai ; selamanya.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
