"La, malah kowe isih neng kene. Wong-wong wis padha baris jejer neng ngisor gapura kaelo!" Riwan sajake nesu.
"Yud, Jo! Bocah-bocah liyane paranana, ya! Ngomong diajak aku neng kutha karo tuku eskrim" Yudi gage bali neng omahe merga durung gawa sepedhah, Paijo neng sisihe karo mancal alon sepedhahe. Sajak lagi rundingan.Â
"Sek Wan, bapake Yudi mau meling neng aku bocah-bocah iki kon momong, iki arepe tak ajak sepedhahan menyang kutha" sauranku, karo ngrangkul Riwan. Lirih, lambeku tak cedakke kuping Riwan. Karo njlentrehne kongkongane Bapake Yudi.Â
"ya wis, sing ati-ati. Aku tak balik gabung menyang ngarep meneh. Bocah-bocah kuwi lewat no dalan kidul, lewat tambak bablas neng dalan gedhe" Riwan ngandhani aku.
Aku mung ndingkluk, nyawang Riwan mlaku, menggok nengen neng protelon lor e mushola. Bocah-bocah wis nglumpuk, Yudi ganti sepedhah sing ana boncengan burine.Â
"sepedhahe sapa Yud?" pitakonku
"Sepedhahe ibuk Mas. Nganggo iki wae, sampeyan sing bonceng ya!" penjaluke Yudi.Â
Bocah-bocah wus tak "komando" maju dhewe. Bocah-bocah iki kudu "berjuang" kanthi carane dhewe. Amrih kepiyene bocah-bocah aja weruh gegeran sing isa ra nganggo peri kemanusiaan.Â
