Mang Dodo nyerengeh waktu ningali berita yen kolegana di dunya ghoib persebakbolaan keuna sleding klabna Pi-Es-Ji akibating piknik ka Arab teu beja-beja.
"Tah, hakan siah, Memes! Ahirna didinya ge dipikaijid ku klab sorangan." Â Mang Dodo ngawakwak bari seuri gugulitikan.
Saencanna, Mang Dodo ge keuna sleding ku King Nassar, ketua Al-Nasssr nu ngarasa katipu kusabab geus ngaluarkeun duit gede tapi elehan. Â Hasilna Mang Dodo disaruakeun jeung kebab. Mang Dodo nyeri hate dipitnah siga kebab, padahal manehna ngarasa siga sangu kebuli.
Sanajan kitu, poe ieu hate Mang Dodo ngarasa bungah tur senang maca berita nu aya poto sagede gabanna Mang Memes. Â Senang didieu lain hitut dina se'eng tapi senang nu sinonimnya gumbira ria teu euluem-euleum.
Hate senang bin bungah nyieun Mang Dodo hayang jalan-jalan ka gurun, sugan weh meunang harta karun. Â Ceuk paribasa mah, sakali naek onta bisa karawu dua tilu toren petroleum.
Panon Mang Dodo kekerejepan, siga ningali Mang Nani jeung jelema anu sering nyieun hatena nyeredet. Â Lain ningali sorot socana atau ngeplak caina siga na lagu "Bubuy Bulan" tapi ningali jejegna Mang Memes, rivalna sadunya-aherat nu keur moe maneh bari make kacasoca gentle monster anu sok dipake ku Babang Ji Chang Wook.
"Ah, paling patamorgana. Â Si Nani pan ayeuna keur di Melbournenia." Gerentes hate Mang Dodo.
"Ehtapi bener eta Si Nani, lain patamorgana. Panon urang pan awas keneh." Mang Dodo kikiceupan.
"Wah gawat, Si Nani pasti keur ngaghibahkeun urang. Â Kudu disampeurkeun, ulah dicicingkeun, ngke bisa jadi pencemaran nama baik." Â Mang Dodo ngarasa insecure.
"Keur teh urang geus disebut siga kebab, kabayang ngke Si Memes nyebut urang siga roti maryam." Â Mang Dodo ngomong sorangan, geus siga pamaen sinetron "Tercandung" nu sok ditonton ku manehna baheula pas masih aya di wewengkon gigireun Wakanda. Â
Siga Roadrunner anu diudag-udag Wile E. Coyote -diit...diittt - berecet manehna lumpat ngadeukeutan Mang Nani jeung Mang Memes nu keur seuseurian.
