"Yo, taka itu. Mak. Tapi, baa pulo ambo ka lanjutkan prosesnyo? Kini se ambo alah dapek fitnah taka itu, Mak."
"Andi, danga kecek ambo yo. Dulu wakatu ketek, ingek kan dulu Andi sering bana minta ke ambo untuak jalan-jalan ka Pantai Gandoriah waktu tu caliak pesta Tabuik. Sampe taniek pulo dek Andi buek pegang tu apo namonyo, bantuak menara Tabuik lah. Wakatu Andi berhasil pegang menara tu, pasti ado berbagai macam perjuangan kan? Banyak halang rintang kan waktu itu?"
"Iyo sih, Mak."
"Wakatu tahun bara tu, pas Andi 7 tahun, Andi ndak berhasil sampai ke menaranyo, terus Andi langsuang nangih karena ndak dapek itu do ma. Tapi, setelah 8 tahun, Andi berhasil pegang menara itu kan? Ambo sampe ingek waktu tu Andi sanang bana pas berhasil caliak tu menara dan pegang saadonyo. Ingek kan waktu tu?"
"Iyo, ambo sampe lompek-lompek kegirangan lah pas berhasil waktu itu."
"Nah, taka itu lah apo nan sadang Andi alami kini. Anggap se lah hidup itu semacam proses waktu pesta tabuik lah. Jujur yo, sabananyo selain mencari ilmu di Jakarta ko, apo nan jadi tujuan Andi kini?"
"Ambo nio jadi urang bermanfaat buek urang lain. Yo, entah apapun lah caranyo lah. Itu se nyo. Tapi, baa juo lai, semenjak fitnah itu menyebar, banyak urang nan mancacek beberapa hal lah. Ado nan bilang ambo alah jadi bintang porno, sampe ado yang nanyo pulo bara harago sewa sajam. Apo lah tu, Mak? Ambo ndak membayangkan bakal dapek gelar sebagai bintang porno taka itu, Mak?"
"Alah ma, Ndi. Padia se lah tu. Urang bakal lupo samo hal itu perlahan-lahan. Salamo ndak ado nan angkek-angkek tu video. Aman se tu nyo. Intinyo, jan pikirkan pulo itu lai. Ambo tanyo saketek ka Andi?"
"Apo tu Bang?"
"Manga urang gilo nan suko jalan di tapi jalan tu, inyo sering makan di tempat sampah, pakai pulo banang sahalai tu nyo. Manga nyo ndak pernah mengeluhkan ado darah tinggi sampe sakik stroke atau mungkin kanai penyakit infeksi?"
"Mmmm. Ndak tau do, Mak."
