Sasi September Awor Piyantun Malati

SASI SEPTEMBER AWOR PIYANTUN MALATI

 

"Bapak Bupati terus ke depan kami harus bagaimana?" keprungu pangandikane Pak Hardi ing acara Mbulan Ndhadhari. Pak Hardi anggone ngendikan ya katon groyok, kegawa tangise ati arep ditinggal jengkar bapak bupati. Aku lungguh ing sisih kulon, rasane ya kudu nangis. "Sesuatu yang baik teruskan saja" ngono sing dakeling ing sasi September taun 2023.  

Mbulan Ndhadhari sasi September uga dirawuhi bapak bupati. Sasi September iki minangka sasi pungkasan Mbah Woto minangka bupati ing masa jabatan 2018-2023. Ora krasa Mbulan Ndhadhari wis ngancik episod kaping lima las ing sasi kuwi. Bungah lan susah nyawiji ing ing lakune Mbulan Ndhadhari saben sasine. Kanggoku bengi kuwi rasane ati ora karu-karuan.

Dina Selasa Legi, Selasa neptune 3, Legi neptune 5. Ing dina sing neptune 8 ngepasi tanggal 23 Oktober 2018 mujudake dina kang ora dinyana dening kanca-kanca MGMP Basa Jawa. Amarga apa? Hlo kok ana undangan kanggo MGMP saka Dikpora kang isine pengarahan saka Bupati Magetan. Saliyane Basa Jawa, sing diundang ana patang mapel sing kalebu mapel Ujian Nasional, yaiku mapel Matematika, IPA, Basa Inggris, lan Basa Indonesia. Ya ing dina kuwi aku sepisanan ketemu karo Kang Woto minangka bupati Magetan taun 2018 nganti 2023.

Sumber pribadi : Acara Mbulan Ndhadhari

Aku mung guru ndesa yen wusanane bisa mlebu metu Surya Graha, kanggoku ya ngudubilah banget. Sing genah akeh crita sing bisa kanggo sinau, lan banjur daktularake marang sapa wae sing gelem ngrungokake critaku. Panjenengane kalebu piyantun sing visioner, apa sing dingendikakake bisa nambah kawruhku. Proyek strategis ngenani Pusat Graha Literasi, rumah sakit, sirkuit, lan liya-liyane aku nampa bocoran alus nalika aku ditimbali.

Sanajan mula bukane aku ya ora nyana ora ngira bisa nduwe lelakon sing kaya mangkono. Mlebu metu Surya Graha, nata Mbulan Ndhadhari, ngewangi porto polio kanggo nampa anugrah Nugra Jasa Pusta Loka. Menyang UNS nalika bapak bupati nampa undangan maos geguritan ing kana. Macakake tulisan piagam lawas tulisan aksara Jawa kiriman saka putra mantune sing saka Landa. Ngewangi nata buku, nggawe pengantar, aku usul supaya maos cerita cekak ing acara Gola Gong ing acara safari literasi. Aku bisa ketemu mbak Okky Madasari ngobrol ngenani literasi ing Magetan. Aku nampa dhawuh saka Bu Titik maca geguritan Biyung ing acara Ulang Janji Pramuka. Bupati lan ibu kersa dadi paraga ing lagu Dalan Kembar. Aku nate didukani Bu Titik, yen aku angel diatur. Pancen aku nolak nalika aku diutus pindhah pegawean saka guru dadi pegawe kantor.

Sumber pribadi : Mas Wahyu

September kebak crita lan sing dadi pitakonan jroning ati, kok ya aku ngimpi numpak montor bareng bupati. Ngimpi jare kembange turu, aku nggraita ngono wae tanpa nduwe angen-angen liya. Sesuke aku WA. "Sugeng siyang, gangsal taun sampun nampi bimbingan lan ngapunten saking wontenipun lepat kula. Matur nuwun".  Bapak Bupati: Matur Nuwun sanget mas Priyoko.

Angen-angenku kandha. Iki apa WA pungkasan? Ah embuh sing baku aku isih bisa ngetik madhep ngetan. Mula ing dina Senen tanggal 27 September, aku ditakoni kanca-kanca kok ora mara menyang Surya Graha. Hla aku mara, gek ya dhapuk apa? Acara apa? Pancen dina kuwi aku ora weruh yen ana acara pamitan bupati. Aku fokus njupuk video EKG ing dina kuwi. Sawise ana pitakonan saka kanca, aku banjur kelingan pangandikan pamit ing acara Mbulan Ndhadhari.

Tekan omah aku ndelok status WA saka bapak lan ibu KS. Dina kuwi bapak bupati kondur kanthi nitih VW Combi kanthi nyopir piyambak. Wusana aku WA mbak Ari njaluk video, HP-ku dakgegem kenceng karo nyawang video, bungah, trenyuh, eling lelakon sing wis dakalami. Aku WA Mbak Ari, nyuwun video pamitane Mbah Woto, ya bupati Magetan sing wis katut ing iline getihku. Mula kanggo tenger sejarah, aku nggawe puisi lan diwaca karo Viona muridku. Puisi kuwi banjur dakunggah ing youtube sekolahan.

Cinta tetap menusuk palung hati

Dirimu hadir saat kerontang datang

Mencabik nadi-nadi hingga akar hati

Daun menangis terhempas panas menyapa

Luruh tiada daya

Inilah alunan nada-nada tanpa riang

Sayu sendu tanpa rayu

Kini saat senyum hias pagi mentari

Ubah kata dan nada menjadi pondasi hati

Dengan hati dan kaki bukti bernyali

Kau jahit mimpi hati

Dengan kukuh kokoh gagah merambah

Walau tergulung gelombang pandemi

Satria utama pancang tiang tetap tegak

Kebersamaan ini bagaikan sore kemarin

Ketika mendengar lenguh lembu masuk kandang

Pagi menari bersama tatapan beringin

Ternyata kini usai

Rindu hanya rindu yang tersisa

Bagaikan hilangnya pohon randu pojok halaman

Kini dirimu kembali

Dan kuharap cinta ini tetap menusuk palung hati

Sasi September 2024, Mbulan Ndhadhari ngancik episode kaping 23. Kanthi irah-irahan "Ruang Waktu Literasi Masa Lalu" kanthi ngrembug sejarah-sejarah desa. Bengi kuwi bisa reuni karo para penulis Mutiara Lereng Lawu, ana Bu Ari, Bu Tutik, Mas Karyono, Mas Panca, Mas Abdul lan narasumber Pak Romelan, Mbah Imam, Pak Nugroho, lan Pak Sujono.  

Acara Mbulan Ndhadhari ing wengi kuwi pancen seje banget kanggoku, amarga nganti ngancik episode kaping 23, aku lagi gelem munggah panggung. Melu piyantun-piyantun malati ngrembug cerita-cerita kala semana. Mula tekan omah sanajan wis bengi, aku banjur ngetik madhep ngetik ngetan, prasasat kaya-kaya nyawang Mbah Woto sing saiki pidalem ing Mediun, prasasat kaya Raden Rangga nyawang Gunung Bancak papan pasareyane garwa kinasih Maduretna kala semana.

Plaosan, September 2024