Tuluy Kanjeng Nabi Adam as. di sauran deui ku hiji sora:
”Saéstuna Alloh maréntahkeun ka Anjeun héh Adam ! pikeun misahkeun sarombongan anak incu turunan anjeun pikeun dikirim kana naraka”.
Kanjeng Nabi Adam as. Naros:
“Naon nu dimaksad sarombongan pikeun dikirim kana naraka téh ?”.
Alloh ngajelaskeun ku dawuhanana:
”Pilih ku anjeun tina tiap-tiap 1000 urang, 999 urang’ pikeun jadi ahli naraka, terus pilih ku anjeun saurang piken jadi ahli sawarga” . (Tah dina nalika dilaksanakeun paréntah éta, lumangsung mangpirang-pirang kajadian diantarana kajadian awéwé nu keur kakandungan jadi galugur kandunganana, barudak leutik ngadadak huisan (rubah jadi kolot) katingali jalma-jalma jiga marabok padahal maranéhna henteu mabok, ieu téh gambaran siksaan Alloh nu kacida bangetna).
Jalma-jalma (para shohabat) nu harita nguping kana ieu kabar (Hadits) nu didugikeun ku Rosulullah S.A.W. kabéh ogé ngarasa sieun, tur parias beungeutna pinuh ku rasa kasieun nu kacida.
Tuluy Kanjeng Nabi Muhammad saw. Neraskeun deui dawuhanana:
“Dibawa tina Ya’juj jeung Ma’juj 999, jeung tina golongan anjeun saurang. Lamun aranjeun dibandingkeun jeung jalma-jalma nu loba éta (umat-umat nabi baheula), ibarat salembar bulu hiedung (nu aya) dina kulit sapi jalu nu buluna bodas. Saéstuna kami (K.N.Muhammad saw.) miharep supaya aranjeun nempatan saperopat jadi ahli sawarga”.
Tuluy kami (para shohabat) ngagungkeun Alloh (maca takbir).
Teras Kanjeng Nabi Muhammad saw. neraskeun deui Dawuhannana:
