Tomin manthuk. Lagi akeh sing nggoleki, bakul iwak rame. Mulai arek cilik nganti wong-wong tuwek ngantri tuku iwak. Tomin sing budal karo bapake wis oleh siji, cupang werno biru.
"Apik yo, Pak, buntute?"
"Ho oh. Diopeni sing apik, ojo diubeki banyune."
"Enggak," saure Tomin karo mesam-mesem nyawangi cupange sing diadahi botol cilik.
Mari oleh cupang, Tomin langsung dolan nang omahe koncone, pamer. Diman sing lagi leren ora kerjo leyeh-leyeh nang teras omah.
"Wis oleh, Pak?"
"Uwis."
Wiji melu lungguh nang sandinge bojone.
"Pijeti, Mak."
"Lha lapo?"
"Upahe no. Mari ngeterno anakmu, nukokno cupang barang. Ijole no."
Beri Komentar
Belum ada komentar. Jadilah yang pertama untuk memberikan komentar!