Wiji mecucu. Wong wedok iku embuh opo'o moro pingin iso renang. Ndelok bojone mecucu, Diman sing gregeten rodo ora tego.
"Kunu, karo Tomin ae. Iki cethek, gak bakal klelep."
"Yo isin."
"Isin ndi karo lek klelep?"
Wiji selot mecucu lambene. Koyok arek cilik sing pingin tapi ora diolehi, Wiji mung ngadek karo mangkel.
"Yo mene lek anake wis onok sing nggondeli tak ajari. Saiki ciblon kunu ae."
Ora mung Wiji wong gede sing nang kolam anak-anak, ning wong wedok iku ancen niate pingin iso renang, dadi dikongkon ciblon nang kolam anak-anak yo ora seneng.
"Nggowo salin gak?"
Wiji manthuk.
"Sing nggenah klambine. Ojo mung ondrokan thok."
"Gak, atek clono karo kaos."
Beri Komentar
Belum ada komentar. Jadilah yang pertama untuk memberikan komentar!