“Lah, iki wayahe ngalor.”
“Halah, pisan ae. Ngelu iki sirahku. Ngko lek semaput gak onok sing ngerti yok opo?”
Diman ngukuri gundule. Wis janjine nang Wiji bakal adil. Sedino-sedino jatahe.
“Mas...”
Dirayu bojone enom, Diman selot bingung. Wong lanang iku nyandak henpon terus SMS bojone tuwo, ngomong lek ora iso moro.
Iyo. Mene dobel lho ya, iki Tomin njaluk sepur-sepuran.
Diman mesem moco balesane bojone. Beres. Ora usah kakean rayuan karo alasan, wong lanang iku iso nunggoni bojo enome.
“Mas, ayo mlaku-mlaku. Aku pingin golek angin.”
Lek wingi alasan awake ora penak, saiki bojo enome Diman alasan pingin dolan.
“Lah mene ae, ojo saiki.”
“Wong pingine saiki kok. Lagian iki aku kudu mutah terus, ojo-ojo wis isi iki, Mas.”
Beri Komentar
Belum ada komentar. Jadilah yang pertama untuk memberikan komentar!