"Dingge ngko bengi, Ji, tuku sisan," omonge tanggane.
"Lha mosok turu ae kate make up-an," saure Wiji.
"Loh, koen gak melu nang omahe Reni ta?"
"Reni? Wiji sing durung dong.
"Wou, yok opo arek iki? Koen lak wis oleh undangane tho. Reni iku lak biyen kancamu pabrik sisan? Mosok koen gak diundang?"
Wiji ngeling-eling. Kapanane wong wedok iku oleh undangan saka kancane, Reni.
"Oalah, ho oh, sing undangan reuni iku kan?"
"Iyo."
Jarang ketemu, Wiji karo kanca-kanca pabrike bakal reunian nang omahe Reni. Ora kabeh, ora akeh, mung sekitar wong sepuluhan, sisan syukuran omahe Reni sing anyar.
"Mari magrib yo?"
"Iyo. Budhal bareng tho? Wong loro ae ngko, aku gak diterno bojoku kok."