"Isuk-isuk wes mecucu. Lapo?" takone ati-ati.
Narti ora nyauri. Wong wedok iku tetep umek karo blonjoane. Paijo ngukuri gundule. Wong lanang iku saiki lungguh nang ngarepe bojone. Siap-siap batine. Wis apal lek mecucu ngene lak mesti ono sing garai atine mangkel. Masio ora ngerti perkarane kudu siap lek kenek omelane.
"Wong kok lambene turah," omonge Narti karo sik mecucu.
Nang njero ati Paijo mesem. Temenan kan, batine.
"Yo gak usah dirungokno," omonge Paijo alon.
"Nduwe kuping kok gak oleh ngrungokno, yo lek budheg ngunu."
Paijo meneng.
"Yo dirungokno tapi gak usah dilebokno ati," omonge Paijo.
"Omong thok enak, sing krungu males."
"Lha trus yok opo?"
"Embuh."
Beri Komentar
Belum ada komentar. Jadilah yang pertama untuk memberikan komentar!