[caption id="attachment_117476" align="aligncenter" width="300" caption="nyilih nang http://pangeran229.wordpress.com (suwun lek)"][/caption]
Ndemin kaet muleh sekolah. Tas ransele diuncalno nang dukur mejo, garai emake sing lagi njait nang sandinge njumbul, kaget.
"Gusti! Arek kurang ajar!"
Sing diseneni bukane nyesel, jaluk sepuro malah mecucu. Bokonge diceblokno nang kursi. Tanpo nyepot sepatu, sikile diunggahno nang duwur kursi. Emake sing ndelok langsung nyocot.
"Heh, arek geblek, koyok sikile apik-apiko. Didukno! Selot gede gak selot mbeneh malah selot gak genah! Opo koyok ngunu lek marai gurumu nang sekolah!"
Ndemin sing lagi gak enak ati alon-alon muduno sikile masio lambene sik mecucu.
"Mak," omonge Ndemin kalem.
"Opo?" saure emake.
"Sakjane aku iki anakmu opo guduk? Aku iki ancen anakmu karo pak'e temenan ta?"
"Maksudmu opo? Jelas guduk."
Krungu jawabane emak'e Ndemin langsung ngadek, kaget. Motone langsung ombo plus mbrabak.
