Dirumah Tukang sayur :
Tukang Sayur  : (sambil mahitung duit) Hah pasti dah aku tapilih isuk, mun kada tapilih kuambil pang duit ku yang sumalam tuh, rugi dah aku manjual tanah kabun ku yang panjang wan luas tu.
Ketika selesai mahitung duit tukang sayur kembali tidur dengan santai.
Dirumah Orang Tuha ;
Sedang berlangsung acara syukuran.
Orang tuha    : Ai datangan dah buhanmu ayo masukkan.
Elizabeth     : Napa sadikitannya orangnya nih?
Acil bungas   : Hiih mana yang lainnya lagi nih?
Orang Tuha   : Ayuha saini gan orangnya dapapa ai jua. Kita mulai ha lagi nah.
Setelah acara selesai. Makanan pun dihidangkan.
Orang Tuha   : Nah makanannya sudah siap silahkan dimakan!
Mbok Rondo  : Bah-bah. Makanannya wadai haja kah, kada tapi nyaman ha pulang.
Acil Bungas   : Daboleh mawada kaya itu, makan ha rasa tu dilidah ja mun sampai kaparut samaai jua.
Elizabeth     : Hiih bujur tuh mbok ai.
Orang Tuha   : Oh mun kada tuju wan wadai, adaai aku isi nasi dipadu tu handak kah?
Mbok Rondo  : Kada ja, labih baik aku kada makan ha, paling nasinya basi ja jua.
Acil Bungas   : Daboleh dirumah orang kaya itu Rondo ai, paling kada inya isi itikad baik dah maadaakan syukuran nih.
Elizabeth     : ih kai pian mancalon camat luku jua? ada lah duit sogokannya.
Acil Bungas   : Ih bujur ada lah?
Mbok Rondo  : sama ha buhanmu badua nih wan aku bahkan bangat lagi, inta duit ha pulang wan orang tuha.
Orang Tuha   : Nah ham ingat lah jaku sumalam tu aku dada isi duit. Daboleh tahu lah mun kita nih narima sogokan wan mambari sogokan. Pamali tahu lah jar orang tuha.
Elizabeth     : may mulai dah caramah nah.
Orang Tuha   : Mun Pemilu tuh kita nih harus jujur. Menang itu harus, jujur itu pasti. Handak lah mandangar visi misiku yang sadikit nih badahulu...
Mbok Rondo  : iiiih kai kami handak bulikan hulu nah kai lah?
Acil Bungas   : ayo nah asalamualaikum!
Imbah para warga bulikan karumah. Orang tuha pun masuk kekamar untuk sembahyang
Tahajud kemudian berdo'a.
Orang Tuha   : Ya Allah mudahkanlah segala urusan hamba kabulkanlah keinginan hamba, untuk menjadi camat ya Allah. Supaya hamba menjadikan kampong ini menjadi berkah semua warganya menjadi sejahtera dan taat menjalankan segala perintahmu Ya Allah.
Ditangah jalan acil bulik tatamulah inya wan Penjaga wc.
Penjaga Wc   : Dari mana ikam cil?
Acil bungas   : Dari rumahnya orang Tuha.
Penjaga Wc   : Maapa?
Acil Bungas   : Ada haja tu. Ikam pang maapa disini? Manjagai wc kah?
Penjaga Wc   : Kada, tapi aku handak...
Acil Bungas   : Handak napa?
Penjaga Wc   : Handak maapa yo? Keponyaai?
Aci Bungas   : ah sudah lah aku handak bulik lagi lah!
Penjaga Wc   : Ih kaynah hulu ikam maapa hulu tadi dirumah orang tuha?
Acil Bungas   : Tadi kami ada acara syukuran biasanya darai.
Penjaga Wc   : Ooooh ada lah ikam dapat duit?
Acil Bungas   : Kadada pang nah.
Penjaga Wc   : Nah mun kaya itu ikam jangan hakun milih orang tuha tuh, wayahini ja inya dahakun barii duit apalagi kaynah pas jadi camat.
Acil Bungas   : Daboleh kaya itu. Ikam pang calon, dada ha jua bari aku duit. Baik aku bulik ha lagi nah!
Besok harinya semua warga pergi kebalai desa karena hari ini akan di adakan pemilihan
Camat. Acara dimulai dengan ucapan basmallah dan diteruskan dengan pidato masing-masing
Calon Camat. Dengan aksi debat masing-masing calon.
Tukang Sayur  : Hai semuanya!!! Pilih lah no 1 sebagai Camat!
 Penjaga wc   : Sayur-sayuuuur( mahuhulut)
Tukang Sayur  : Diam ikam! Langsung haja nah visi misiku sebagai tukang sayur, eh maaf maksudnya sebagai Calon Camat.
Warga        : Hahaha
Tukang Sayur  : Pilih lah aku sebagai Camat! karna mun mamilih aku dipastikan seluruh warga akan menjadi sehat,  bergizi, banyak lemak wan subur-subur awak kaynah gara-gara tiap hari makan sayur.
Penjaga Wc   : haha subur-subur jar warga, kada kalabihan lamak kaya lakimu kah kaynah warga, mun aku dahindak ja.
Tukang sayur  :  Napa garang ada masalah kah lakiku tu lamak, inya lamak tu brati tandanya sehat, aku tiap hari memperhatikan kesehatannya tu.
Penjaga Wc   :  Haha sehat jar bajalan ja kada tapi kawa gara-gara inya lamak hahaha( sambil manunjuk ka lakinya tukang sayur)
Tukang sayur  : Biar ha inya kaya itu, kada kaya ikam ditinggal lakimu shah rukhan yang baung tu,  kasian deh lo!
Penjaga Wc   : Mauuk!
Tukang Sayur  : Tu lihati lakiku yang tersayang tu, setia ha inya manunggui aku disini, sambil baduduk termenung saorangan tu( sambil manunjuk lakinya)
Orang Tuha   : sudah lagi napa taka mambahas urusan rumah tangga ha buhanmu nih. Nih kita nih lagi pidato kada sopan lah dilihati orang banyak.
Tiba-tiba bel waktu berbunyi.
Penjaga Wc   :Nah giliran siapa pulang?
Orang Tuha   : Giliranmu pulang Penjaga Wc ai. Aku balum siap ikam gan badahulu.
Penjaga Wc   : Baiklah!!! Tidak berbeli-belit lagi langsung saja ke visi misi saya. Kalau saya terpilih nanti saya akan berjanji keamanan warga disini akan terjaga karena Wc haja saya jaga apalagi Warga yang banyak nih. Wan satu lagi saya akan memperbanyak wc didesa ini, untuk satu orang akan dapat jatah satu wc. Setuju!!!
Warga        : Kada!!!
Tukang Sayur  : Hahaha bau-bau-bau hoooo
Penjaga Wc   : Napa Garang( handak manampar)
Kemudian giliran Orang Tuha seketika itu suasana jadi hening.
Orang Tuha   : Asalamaulaikum Wr. Wb. Bismillahirrahmanirrahim alhamdullirrabil alamin. Wassalatuwassalamuala asyrafil anbiya iwalmursalin. Sayyidan muhammmdin wala alihi wasah bihi aj'main amma' ba'du. Visi misi ulun gasan kampong nginih adalah agar kampong kita nih menjadi berkah, salamat, wan santosa. Cukup sekian wassalamualaikum warahmatullahi wabarakatuh.\
Tukang Sayur  : Aii sudah leh ngantuk aku jadinya nah.
Kemudian acara pun diselesaikan dengan voting suara terbanyak.
Penjaga Wc   : eyy panitia aku ja lah manulisakan Voting suaranya dipapan ( sambil bakacak pinggang)
Panitia       : iiiiih ayu.... Ha... nah.
Penjaga  Wc   : yeee aku manang( baloncat)
Elizabeth     : ey maka aku milih Tukang sayur tadi, karna inya mambarii aku duit pang!
Tukang Sayur  : ih napa jadi kaya ini ha?, ikam curang dah Penjaga wc ai
Panitia       : (mengambil kertas yang dipegang Penjaga Wc) Iih bujur nah tulisannya Tukang sayur.
Tiba-tiba Bupati yang menghadiri acara tersebut bangkit dari tempat duduknya menuju
Panggung.
Orang Tuha   : Nah Bu bupati silahkan!
Bupati       : ay kai pian tahan ha badiri lih dari tadi, duduk ha lagi!
Orang Tuha   : Dapapa bu ai biar tuha kaya inih tapi semangatnya masih muda.
Bupati       : May ulun tuju mun pejabat kaya pian nginih.
Warga        : Jadi siapa yang manang Bu?
Bupati       :Tenang dulu semuanya! Kaya ini haja nah! Mun kaya inih acaranya lebih baik ulun saorang haja nah milih camatnya. Dari kriteria kejujuran, ketulusan, dan kebijaksanaan.
Tukang sayur  : Jadi siapa bu? ulun kah?
Bupati       : Kada! Dengan bismillah saya umukan bahwa yang menjadi calon camt pada tahun ini adalah.... Orang Tuha.
Orang Tuha   : Alhamdulillah!
Tukang sayur dan Penjaga : hee...hee(menangis)
Buapati       : Setuju lah!!!
Warga        : Setuju!!!(sambil bertepuk tangan).
Akhirnya Orang Tuha Pun tapillih jadi camat. Kada lawas satalah sahari tapilih sidin pun
Maninggal dunia.
Tamat
Amanat:
Jadi dari kisah ini kita dapat menyimpulkan bahwa, setiap orang jujur pasti akan mendapatkan kemenangannya, dan setiap orang yang curang akan mendapatkan akibatnya. Cerita ini mudah-mudahan dapat menyadarkan rakyat Indonesia agar tidak ada lagi kecurangan dalam pemilu nanti.
Cukup sekian wassalamualakum warahmatullahi wabarakatuh.
