Boy wong Plembang asli, kuliah empat tahun di Jakarta, naksir samo kawan kuliahnyo namonyo Noni. Nah, kebetulan si Noni ini uwaknyo masih wong Plembang jugo, tetapi sudah sejak bujang bapaknyo begawe di Jakarta.
Jadi, kerna lah cinto nian, sudah belinjangan lamo lah hampir belajuan galo-galo, tetapi masih ado disisoin dikitlah oleh Boy, dipikirkenyo untuk bawak Noni ke Plembang, ngenalke dengan ubak dan umaknyo.
Pendek cerito, Noni dan Boy ke Plembang, sementara diinapke dulu Noni di rumah uwaknyo, besoknyo nak diajak ceweknyo itu kenalan dengan uwong tuonyo.
"Oh, kau naksir cewek Jakarta, yo. Kenalke samo umak, nih. Kagek kumasakke tekwan yang paling teraso iwaknyo...."Kato Umak.
"Iyo, gek sore kubawak, Mak. Buat kuahnyo teraso udangnyo, ye." Kata Boy.
"Payo, ubak cari udang satang di pasar kuto" Kato ubaknyo.
Sorenyo kiro-kiro jam limo, Boy dan Noni sampe ke rumah Boy disambut uwong tuo budak lanang itu.
"Alangkah cindonyo cewek kau, Boy. Namonyo siapo, gadis?"Tanyo umak semangat nian.
"Nama kamu siapa?" Boy ngartikenyo.
"Nama gue Noni, bu. Lahir dan besarnya sih di Jakarta, tetapi kakek dan nenek Noni masih di Tangga Buntung sini juga." Jawab si gadis.
"Namonyo Noni, bu. Lahir-besaknyo di Jakarta, tapi uwaknyo di Tangga Buntung inilah...."Boy menerjemahkan kata-kata Noni ke Umak.
"Nah, Noni, umak lah masakke awak tekwan ikan tenggiri dengan kuah kaki udang satang. Tunggulah disini, gek kuambek di dapur. Boy, bantu umak....."Kata umak.
"Nah, Noni....Mamaku sudah memasakkan kamu..." Boy nak terjemahke omongan umak tapi langsung ditarik tangannyo ke buri.
"Ageklah terjemah-terjemahan itu, bantu aku ambek tekwannyo, kalau lah jingok makanannyo, pasti ngerti dewek."Kato umak.
Boy ambek duo mangkok tekwan yang wangi kuahnyo bikin ngences. Langsung be dio makan tekwannyo, tapi Noni masih betakokan malu-malu.
"Makanlah, saya mau nambah, ambil lagi di dapur."Kato Boy sambil balik ke dapur.
"Ibumu belum mempersilahkan, gue gak enak, Boy..."Kato Noni.
"Umak, sini. Noni pengen awak persilahke dio makan.."Jerit si Boy sambil jalan.
Umak laju tekincit-kincit ke ruang tamu mempersilahke Noni makan tekwan, "Oh, lajulah nak Noni. tekwannyo diguyuri......"
"Diguyuri, bu? Disini? Tekwan ini diguyuri ke gue?" Tanyo Noni bingung.
"Iyolah, calon mantu. Guyurilah tekwan, tuh. Kalau dak kau guyuri, aku nih jadi sedih....Awak dak seneng masakan aku..."Uji umak dengan rai sedih nian.
Akhirnyo, antara terti dengan idak, Noni ambek tekwan di mangkok diangkatnyo ke atas kepalak dem itu ditumpahkenyo segalo isi mangkok, teko kuah, biji tekwan dengan mi suun galo-galo, keno rambut, rai sampe ke baju-bajunyo.
Bersamoan, Boy dengen ubak datang ke ruang tamu, laju tekejut jingok Noni ngapo jadi cak itu.
"Nah, umak. Ngapo cak ini pacar aku?"Tanyo Boy antaro kasihan samo lucu.
"Tekwannyo aku suruh guyuri, Boy. Aku idak tahu terjemahannyo apo, dio langsung bae tumpahke tekwannyo ke kepalaknyo."Kato umak.
"Noni, maksud ibuku guyuri itu, dimakani tekwannya pelan-pelan tapi pasti sampai habis. Begitu, lho..."Kato Boy sambil ketawo ladas.
"Oh, maaf, bu. Gue pikir ibu mau uji nurutnya gue sama ibu, makanya gue rela guyuri tekwannya ke kepala. Rupanya, artinya beda, ya..."Kato Noni antara malu, kesel samo lucu.
Singgonyo sejak saat itu Noni jadi rajin belajar baso Plembang dan umak dengen ubak jugo laju rajin belajar baso Jakarta. men dak tuh bakal kejadian lagi tragedi guyur tekwan nasional di lain hari.
TERJEMAHANNYA:
Boy wong Plembang asli, kuliah empat tahun di Jakarta, naksir samo kawan kuliahnyo namonyo Noni. Nah, kebetulan si Noni ini uwaknyo masih wong Plembang jugo, tetapi sudah sejak bujang bapaknyo begawe di Jakarta. (Boy orang Palembang asli, kuliah 4 tahun di Jakarta, suka sama Noni teman kuliahnya. Noni ini kakeknya masih orang Palembang, tetapi ayah Noni sejak bujangan bekerja di Jakarta)
Jadi, kerna lah cinto nian, sudah belinjangan lamo lah hampir belajuan galo-galo, tetapi masih ado disisoin dikitlah oleh Boy, dipikirkenyo untuk bawak Noni ke Plembang, ngenalke dengan ubak dan umaknyo. (Karena sangat cinta, hampir sudah melakukan semua, tetapi masih disisain sedikitlah, Boy berencana mengenalkan Noni ke orang tuanya).
Pendek cerito, Noni dan Boy ke Plembang, sementara diinapke dulu Noni di rumah uwaknyo, besoknyo nak diajak ceweknyo itu kenalan dengan uwong tuonyo. (Pendek cerita, keduanya ke Palembang, Noni nginap di rumah kakeknya, esoknya baru diajak ke orang tua Boy).
"Oh, kau naksir cewek Jakarta, yo. Kenalke samo umak, nih. Kagek kumasakke tekwan yang paling teraso iwaknyo...."Kato Umak. ("Oh, kamu suka gadis Jakarta, ya. Kenalkan sama ibu, nanti kumasakkan tekwan yang sangat enak,,"Kata si Ibu.
"Iyo, gek sore kubawak, Mak. Buat kuahnyo teraso udangnyo, ye." Kata Boy. ("Iya, nanti sore kubawa mak, buat kuahnya terasa udangnya ya.")
"Payo, ubak cari udang satang di pasar kuto" Kato ubaknyo. ("Baiklah, bapak cari udang satang di pasar Kuto")
Sorenyo kiro-kiro jam limo, Boy dan Noni sampe ke rumah Boy disambut uwong tuo budak lanang itu. (Sorenya kira-kira jam 5, Boy dan Noni datang disambut orang tua anak lelaki itu.)
"Alangkah cindonyo cewek kau, Boy. Namonyo siapo, gadis?"Tanyo umak semangat nian. (ALAngkah cantiknya pacarmu Boy. Namanya siapa?")
"Nama kamu siapa?" Boy ngartikenyo.
"Nama gue Noni, bu. Lahir dan besarnya sih di Jakarta, tetapi kakek dan nenek Noni masih di Tangga Buntung sini juga." Jawab si gadis.
"Namonyo Noni, bu. Lahir-besaknyo di Jakarta, tapi uwaknyo di Tangga Buntung inilah...."Boy menerjemahkan kato-kato Noni ke Umak.
"Nah, Noni, umak lah masakke awak tekwan ikan tenggiri dengan kuah kaki udang satang. Tunggulah disini, gek kuambek di dapur. Boy, bantu umak....."Kata umak.
"Nah, Noni....Mamaku sudah memasakkan kamu..." Boy nak terjemahke omongan umak tapi langsung ditarik tangannyo ke buri.(buri=belakang)
"Ageklah terjemah-terjemahan itu, bantu aku ambek tekwannyo, kalau lah jingok makanannyo, pasti ngerti dewek."Kato umak. (jingok-lihat, dewek=sendiri)
Boy ambek duo mangkok tekwan yang wangi kuahnyo bikin ngences. Langsung be dio makan tekwannyo, tapi Noni masih betakokan malu-malu. (betakokan = pura-pura)
"Makanlah, saya mau nambah, ambil lagi di dapur."Kato Boy sambil balik ke dapur.
"Ibumu belum mempersilahkan, gue gak enak, Boy..."Kato Noni.
"Umak, sini. Noni pengen awak persilahke dio makan.."Jerit si Boy sambil jalan.
Umak laju tekincit-kincit ke ruang tamu mempersilahke Noni makan tekwan, "Oh, lajulah nak Noni. tekwannyo diguyuri......" (tekincit-kincit = lari terburu-buru)
"Diguyuri, bu? Disini? Tekwan ini diguyuri ke gue?" Tanyo Noni bingung.
"Iyolah, calon mantu. Guyurilah tekwan, tuh. Kalau dak kau guyuri, aku nih jadi sedih....Awak dak seneng masakan aku..."Uji umak dengan rai sedih nian.
Akhirnyo, antara terti dengan idak, Noni ambek tekwan di mangkok diangkatnyo ke atas kepalak dem itu ditumpahkenyo segalo isi mangkok, teko kuah, biji tekwan dengan mi suun galo-galo, keno rambut, rai sampe ke baju-bajunyo. (terti=mengerti,rai=wajah)
Bersamoan, Boy dengen ubak datang ke ruang tamu, laju tekejut jingok Noni ngapo jadi cak itu.
"Nah, umak. Ngapo cak ini pacar aku?"Tanyo Boy antaro kasihan samo lucu.
"Tekwannyo aku suruh guyuri, Boy. Aku idak tahu terjemahannyo apo, dio langsung bae tumpahke tekwannyo ke kepalaknyo."Kato umak.
"Noni, maksud ibuku guyuri itu, dimakani tekwannya pelan-pelan tapi pasti sampai habis. Begitu, lho..."Kato Boy sambil ketawo ladas. (ladas=puas)
"Oh, maaf, bu. Gue pikir ibu mau uji nurutnya gue sama ibu, makanya gue rela guyuri tekwannya ke kepala. Rupanya, artinya beda, ya..."Kato Noni antara malu, kesel samo lucu.
Singgonyo sejak saat itu Noni jadi rajin belajar baso Plembang dan umak dengen ubak jugo laju rajin belajar baso Jakarta. men dak tuh bakal kejadian lagi tragedi guyur tekwan nasional di lain hari. (Singgonyo=Pokoknya)
