Bapbo'i ee...!! Beta kas ingat sa, kalo bisa tahan diri sadiki ko jang talalu ba curhat di ini dunia. Kan kasian kalo dong kas sama bapbo'i deng orang-orang yang dong pung otak babi su telan buang.
Walopun beta dari dulu sonde talalu suka deng bapbo'i yang kelihatannya cuma sok kalam, sok santun, dan sisa yang berikut, tapi beta tetap menghargai bapbo'i sebagai mantan, yang kalo mau sebut satu per satu pasti panjang lalolak kek ular liuksaen, mantan inilah....mantan itulah...pokoknya liuksaenlah....
Walopun banyak yang bilang bapbo'i tu mantan yang blom bisa move on, yang menderita post power syndrome, yang masih haus kuasa, yang suka caper deng baper, dan (lagi) sisa yang berikut, beta tetap berharap supaya bapbo'i bisa rubah bapbo'i pung sikap deng kelakuan, supaya itu embel-embel negatif dong yang melekat sonde diungkit-ungkit trus.
Kan kasian, bapbo'i bisa liat mantan-mantan di dunia nyata yang lain, dong pung ulah beda (pake banget) dengan bapbo'i pung ulat..., eh...ulah sekarang ini. Bapbo'i jang bikin diri seolah-olah sama kek orang-orang yang su kasi dong pung otak pi babi tu.
Bapbo'i kan seorang negarawan, tunjukkan sikap dan kelakuan seorang negarawan!
