Semangat kuwe terus ana, gawe mrekitik
Nancep neng atine wadon tukang mbutik
Ora perduli panas-perihe
Guyuran udan dadi batire
Mangkat mruput, mangkal rombongan
Gesit guyub rayahan panggonan
Snajan ngadeg laka aub-aube
Diangkut ngalor-ngidul tambah bungahe
Ora peduli lagi ruwed pikirane
Ora peduli mbengi bar tukaran karo bojone
Tukang mbutik bombong atine,
Esuk kiye payu tenagane
Raine katon bungah mongah-mongah
Padahal lagi ngumpetna segudang masalah
Tumplek-blek ati madul-madul
Tukang mbutik ora bakal wadul
Silire angin sa dalan-dalan
Megarna semangat pengarepan
Rupane tenaga tuwa esih kanggonan
Snajan saiki akeh tukang mbutik nom-noman
Tukang mbutik terus semangat
Snajan udan tetep bae mangkat
Dadi pahlawan kanggo anak-bojone
Tetep sabar karo njaga harga dirine
Imam Chumedi, KBC-28
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
