Sholawatan

Ya Nabi...Ya Nabi Salam Alaik

Ya Rosul, Ya Rosul Salam Alaik

 

Lagu-lagu kue ayem tak rasakna

Padahal enyong ora ngerti makna sing ana

Pokoke muji maring Kanjeng Nabi

Ngalap barokah karo syafaat

Mbesuk kanggo gatolan neng akherat

Diiringi terbang jawa

Sholawat nekakna rasa adem

Ana rasa kangen sing laka bandingane

Kangen karo kemulyaane Kanjeng Nabi

Sing mbuka padange jagad

Sing nerangi akhlake wong bejad

Kabeh pada maca sholawat

Ana sing sebab mahabbah

Ana sing sebab hormat

Ana sing sebab ngalap syafaat

Tua enom, lanang wadon

Gede-cilik, sugih-mlarat

Sa komando sa barisan sa tujuan

Bareng-bareng nyerokna puji-pujian

Maring menungsa sing dadi idaman

Ya Nabi....Ya Nabi salam alaik

Ya Rosul.. Ya Rosul salam alaik