Politik, Jarene Dibenci Nanging Dilakoni

"Pokoke aku iki wonge anti karo politik, wis benci tenan. Sak umur-umur ora arep nyenggol politik babar blas. Emoh ora sudi!!!"

Pripun? nate kepanggih priyayi model ngaten niki napa malah keleresan njenengan piyambak sing sengit ngigit-igit menawi kepanggih tembung politik?

Nganu, sabar dhisik nggih, tak copy paste riyin.

Jarene KBBI, politik/po-li-tik/n: 3--cara bertindak (dalam menghadapi atau menangani suatu masalah); kebijaksanaan.

Ora usah protes nek sing ditulis gur poin nomer telu. Nek ditulis kabeh ngko kedawan, ngebak-ngebaki, tur ora berhubungan karo sing arep dienggo bahan rasan-rasan. Wong koq mesti senenge sing mbulet tur dowo, kaya politikus wae. Sing perlu dowo ki cukup nganu kae, liyane ora usah.

Nganu ki opo? sing kudu dowo ki yo jelas usus, dowo ususe alias sabar. haish, mbok kira aku arep nulis sing liya to? Padahal iyo sakjane.

Nah, sakwise ditiliki tenan jebule ukara politik iku cakupane amba, ora ming cupet kaya politik sing biasane gawe bengkerengan kae. Yen kaya ngono, menurutku sih kabeh wong sing urip ing ndonya iki mesti nate berpolitik, masiyo ndek'e seneng utawa ora. Politik iku naluri, insting alamiah manungso. Mirip karo ambegan, mangan, lan hasrat bebuwang sing dilakoni kanggo iso bertahan.

Sakjane tanpa sadar, wiwit isih cilik manungso ki yo wis berpolitik. Coba dieling-eling, pas mbiyen didhawuhi ibu'mu kanggo nyapu latar utawa ngisahi piring, njuk dengan tenang lan meyakinkan awakmu njawab.

"Enggih, mangke Bu', kula nggarap PR riyin"

Njuk bubar mbok jawab ngono kuwi, saknalika Ibu'mu trenyuh, terus gawean nyapu lan isah-isah sing maune dadi tugas lan tanggung jawabmu malah dirampungi kanti bungah manah. Ing titik iki, berarti langkah politikmu mlaku apik.

Koq rasane kaya tumindak culika ngono? Yo jeneng politik kuwi bersiasat, ngatur strategi dalam rangka mewujudkan kebijaksanaan, mesti wae ono unsur-unsur sing rada nganu nek dirasa-rasakne. Tapi sepisan maneh, politik iku beda karo apus-apus. Yak'e lho ya.

Saiki kabeh dibalekno ning atine dhewe-dhewe. Nek kanggoku politik ki yo tetep perlu kanggo urip. Nek iso dicritakno hubunganku karo politik mirip roller coaster kae. Saka mbiyen ora seneng lan ora peduli, terus penasaran, njuk mulai sinau, terus kesengsem, bar kuwi blokekan, tapi yen saiki aku nyawang politik iku biasa banget.

Ho oh politik kuwi hal biasa, makane to dadi wong ki ra sah gumunan. Sithik-sithik benci, gak seneng, serik, pingin nyantet. Haish, benci koq ming sithik-sithik. ra keren blas. Mbok yo dadi pengikute teteh Vetty Vera wae, yang sedang-sedang saja.

"Terlalu benci jangan terlalu, terlalu cinta jangaaaann......." duh fals dek suaramu

Jare jaman ki tambah maju, manusia makin tercerahkan, teknologi tambah ngedab-edabi. Lha koq yo tetep wae mbendino isih pada kerah rebutan balung sing wis cetha-cetha ora ono daginge. Njuk nek wis kekeselen amarga ora ono sing gelem dadi wong waras, terus kabeh podo nyalahke politik.

Padahal politik salah opo jal? Kata benda lho kuwi, dheweke ora nduwe daya opo-opo nek sing nglakokke ora gendheng jiwane.

Filosofi sedang-sedang saja ki sakjane ora ming kanggo politik tok, opo wae yen dilakoni kanthi biasa ngono kuwi, mesti ndonya iki niscaya akan baik-baik saja. Bumi tetep bakal dadi omah gedhe sing iso dienggo ngayomi kabeh mahluk sing dadi penghunine.

Sakliyane kuwi yen kabeh digawe selow, opomaneh koq babagan politik,urip mesti bakal luwih tenang, menawa ono opo-opo yo level ambyar'e ora sepiro. Ibarat perkakas gerabah sing pecah, cuilane isih iso diraketke yen gelem usaha.

Iki jelas beda kanggo sing ngugemi keyakinan gas pol rem blong. Ono sing ngarani fans die hard. Sekaline ambyar, pecahane kaya perkakas beling, ajur tur landep. Rada mokal menawa arep diraketke maneh, lan iso natoni nek ora ngati-ati.

Makane kuwi, mending nyoba alon-alon supaya iso dadi manungsa sedang-sedang saja. Ora usah wedi yen ming iso dadi wong biasa. Saiki justru wis akeh wong luar biasa, ngko sedhela maneh wong biasa bakal dadi langka.

Jenenge rasa, tresna yo ora iso ditolak, wong kuwi peparingan nikmat. Ning tetep kudu ngerti bates. Semono ugo benci yo ora iso diendhani, nanging dijaga ben ora nerak paugeran.

Makane kuwi kanggomu sing saiki lagi seneng-seneng'e utawa benci-bencine marang sakwijining perkara utamane politik. Yuk unjal ambegan dowo. Eling-eling maneh yen sejatine to urip ora iso ucul saka sing jenenge politik, dadi sakcukupe wae nek arep mbenci.

Embuh kuwi dagang, opo kuwi nyambut gawe, nganti kekancan, lan mungkin uga pacaran.

Heh..emang politik pacaran kuwi piye? Yo suk kapan-kapan wae tak critani maneh yen rasan-rasanku sing iki ono sing gelem maos. Pareng.