"nampak dek ang tu malin si Acong. ide nan di bangga kan nyo, karajo ndak namuah, ko ide sado urang pandai lo nyeh , celoteh Ajo sidi ma arah ka si Malin .
 "Abih an lah kopi tu jo, sambuik malin dek, maliek Ajo sidi ka baranjak dari duduak e,.
 " yo lah wak pai lu, jawek Ajo sidi sambia ma ucapkan salam.
ehmm.... Sambia maelok angok mak katik manapuak pundak si Malin,
"itu lah kini ko dek ang Malin.!
Tingga lah mak katik jo Malin di lapau, he he he,
"Itu takah e, urang baduo tu Malin. kato mak katik mangajuik si Malin, Â
"Nan indak amuah mangalah dalam hal kebaikan. Nan si Acong  bana inyo nan punyo ide, tapi kan ndak amuan karajo. santiang je di kamukoan nyo. Santiang kito ko dapek basaratoan  jo karajo nek e, baru sasuai.  "sambuang mak katik dek maliek si Malin maanguak aguak tando faham.
 "Nyo takah ko dek Malin mah,.!
*Tigo parkaro karajo ko mangko jadi*
Nan partamo , *di ikrar kan jo lidah*
Nan kaduo  *di tasdik kan jo hati*
Nan katigo *di laksanakan jo angota tubuah* Â
Dek tigo parkaro tu Mangko e jadi. sambuang mak katik sambia manguluang okok tambakau,
Kalo ka kecek je nyeh  ndak ka menjadi bagai doh. Dek si Acong! itu nan kurang dek e, ,karajo pamaleh. sekola lai tinggi, ide banyak, tapi karajo di agiahan nyo ka sidi.  He he he, Â
Kok berasil karajo tu beko. nan si acong ko lah tagak sekali di muko, baso inyo nan punyo karajo.
 Kok ndak berhasil,  nyo lah manyalah si sidi,  lanjut mak katik dek lah faham sangaik maliek kurenah da Acong samo Ajo sidi,.
