Ciloteh Palanta "Cak Tubin" Mak Katik, Di Ikrarkan Jo Lidah, Di Tasdikkan Jo Hati, Di Laksanakan Jo Anggota Tubuh

 " Cak Tubin"

"Sambia bajalan di pamatang sawah sa abih mangopi pagi,
Si Malin bajalan sambia meliek ka indahan kampuang yg lah Lamo di tingga an nyo,

Tapukau Malin maliek sawah nan basusun tapi sarato jo banda nan alah barasiah,

 Yo indah sangaik kampuang ko aso e, iko lo baru wak tau , batin Malin dalam hati.

Baa kok ndak di kelola ko lah dek urang kampuang?! Sarancak ko nagari ah,. padohal di kampuang ko banyak sangaik urang cadiak nan sekolah tinggi,  ba a kok ndak takah nagari sabalah. baa kok ndak takah di rantau, Si Malin bagumam dalam hati, dek takjud jo Tapukau maliek ancak e di kampuang.

Dek latiah Malin bajalan maliek kampuang nan Lamo di tingaan, singah Malin ka lapau.  Upoe ajo sidi jo Da acong sadang asik ma,ota baduo.

"dek a waang cong! klo ndak dek den " dima lo ka bisa bajalan e dek ang?,

 sayuik sayuik tadanga suaro Ajo sidi ma ota samo da Acong ,

"Ajo se nan nampak dek Ajo mah, nan awak ko ba,a. lai tau Ajo ndak!?  Nan punyo ide kalo indak awak,  sambuik da Acong ndak amuah kalah samo Ajo sidi.

Assalamualaikum .!!  "Salam si malin masuak ka lapau mamacah suasana,  

Walaikumsalam...!!!  jawek urang di lapau,  pandangan Da Acong jo Ajo Sidi ka si Malin.

Masuak lah Da malin.! sapo si eti , sambia mangamehan galeh nan baserak di meja. "alun barangkek ka rantau lai da Malin?
sambuang si eti, sambia mananyoan apo minuman si Malin,  "Alah" ,  ko bolak baliak dek ado paralu. kopi lah cie ti! jawek malin sambia mambasoan urang nan duduak di lapau,

Ajo sidi jo da Acong manjawek dgn muko acuah, he he he ,( dek masih paneh baduo)

Siko duduak Malin ah!  baso mak katik nan duduak agak jauah dari Ajo sidi jo da Acong.

  Malin ma,enggong ka suaro tadi,  
Ehh.... Mak katik upoe sambuik Malin sambia baranjak duduak dakek mak katik,,

"ndak nampak gai mak katik dek awak tadi tu doh , memulai kato sambia bajawek salam jo mak katik.
Dari ma tadi .?  Sambuik mak katik, jalan jalan maliek kampuang mak, manga Ajo sidi jo da Acong.?  tagang bana nampak e, tanyo Si Malin, mulai fokus ka Ajo sidi jo da Acong.

Lah biaso se tu nyo Malin , urang lah tau sia si Acong jo sidi tu, manga lo itu nan irauan, " jawek mak katik sambia maliek cincin nan di pakai si Malin,

 Serius bana nampak e amuah lo ka batinju bagai nampak. "nyo iko Malin mah, "CACAK TUBIN"  malin tau kan.! tu lah inyo tu baduo .
"Angin nan maoyak batang kayu"  kecek e inyo nan maoyak,  itu lah kini tu nan banyak jadi sifat dek dek urang kini, di kampuang ko,  nan manonjol nama sidi jo si Acong tu nyeh, jawek mak katik saparo babisiak,

 Brakkk..... Tahanti ota mak katik jo malin ,  Maliek meja di tapuak dek da acong. ( baco kisah malin manggauang)
"bisuak ko Dak den agiah ide ka Ajo doh lai..!!  Kato da Acong sambia baranjak dari tampek duduak jo muko kesal,

"okok ciek ti ..!! cataik se lu,. sambia maambiak okok nan tapajang,.Da Acong melangkah kalua lapau,
 "ko lah banyak mah da acongggg....!!! Sorak si eti  sambia ma lap meja nan taserak dek tapuak da Acong tadi.

 Jan amuah kau pa utangan Ti.! sambuik Ajo sidi,  dek masih kesal samo da Acong.

"nampak dek ang tu malin si Acong. ide nan di bangga kan nyo, karajo ndak namuah, ko ide sado urang pandai lo nyeh , celoteh Ajo sidi ma arah ka si Malin .

 "Abih an lah kopi tu jo, sambuik malin dek, maliek Ajo sidi ka baranjak dari duduak e,.

 " yo lah wak pai lu, jawek Ajo sidi sambia ma ucapkan salam.

ehmm.... Sambia maelok angok mak katik manapuak pundak si Malin,
"itu lah kini ko dek ang Malin.!

Tingga lah mak katik jo Malin di lapau, he he he,

"Itu takah e, urang baduo tu Malin. kato mak katik mangajuik si Malin,  
"Nan indak amuah mangalah dalam hal kebaikan. Nan si Acong  bana inyo nan punyo ide, tapi kan ndak amuan karajo. santiang je di kamukoan nyo. Santiang kito ko dapek basaratoan  jo karajo nek e, baru sasuai.  "sambuang mak katik dek maliek si Malin maanguak aguak tando faham.

 "Nyo takah ko dek Malin mah,.!

*Tigo parkaro karajo ko mangko jadi*
Nan partamo , *di ikrar kan jo lidah*

Nan kaduo  *di tasdik kan jo hati*
Nan katigo *di laksanakan jo angota tubuah*  

Dek tigo parkaro tu Mangko e jadi. sambuang mak katik sambia manguluang okok tambakau,
Kalo ka kecek je nyeh  ndak ka menjadi bagai doh. Dek si Acong! itu nan kurang dek e, ,karajo pamaleh. sekola lai tinggi, ide banyak, tapi karajo di agiahan nyo ka sidi.   He he he,  

Kok berasil karajo tu beko. nan si acong ko lah tagak sekali di muko, baso inyo nan punyo karajo.
 Kok ndak berhasil,  nyo lah manyalah si sidi,  lanjut mak katik dek lah faham sangaik maliek kurenah da Acong samo Ajo sidi,.

 Nan si sidi takah itu lo,! karajo amuah, tapi talampau ma aden.
Kalo ndak dek aden. kalo ndak den karajoan,  itu sipaik e si sidi.
"Padohal nan sumbayang ko rajin,ma aja anak mangaji,  apo lai maliek urang ba ampok berang bana e tu,.
Tapi yo tu sifat ikhlas tu nan  alun di taruah e .  'Sambuang mak katik siap siap ka pai,

"Lah ampia masuak wakatu mah Malin!.  Kajuik an mak katik, ka si Malin sadang serius maliek caro mak katik mangecek sabia manyusun okok nifa/tambakau nan di guluang e tadi,

 " iyo mak, lah ampia masuak lo mah, jawek si Malin sambia mananyoan bara balanjo ka si eti.

 Apo tambah e dek da Malin? tanyo si eti sambia manjawek pitih da si Malin, kupuak duo, godok Tigo.  amak apo tambah e mak,? tanyo Malin ka mak katik ,  kopi je nyeh"  jawek mak katik sambia baranjak kalua lapau,.

ti....!! sekalian je lah jo utang da acong tadi,  sonsong si Malin dek Maliek si eti sibuk mancari pitih ka ka mambaliak an putih si Malin,

Banyak.  da Malin ..! Lai bapitih da Malin.?  jawek si eti, alhamdulillah lai. ba a lai cukuik tu,?
Sambia ma oncongan pitih kateh mo puluah ka si eti.

 Bajalan lah mak katik jo si Malin ka surau ,, sambia bacarito jo sejarah baa bana kampuang ko dulu e dan keadaan kampuang kini.(Mm)*

Poto suasana senja di kampung penulis

Baca juga 

https://www.kompasiana.com/hendrik4215/5f3bd28a097f364315715f22/sasra-minang-di-lapau