Cuma jangan takot ngan penyaket ini. Misal kite hajen bebasoh tangan ngan sabon yang benah, pasti virus ini juge lenget. Teros kite juge jangan neman ige megang muke, idong, ngan mate.Â
Dek usah dulu salam-salaman ngan segale uhang, juge kurangi bekeliling karang kampong le nak jalan-jalan bai katek gawian. Kecuali uhang yang memang begawi, uhang tu endaklah di huma nguleng, cuma dek pacak makan mon nak lok atu.
Yang paleng penteng, kepade bibik, ayuk, mamang, ngan uwak yang empai ne bejalan jaoh lok ke Jawe, Batam, ape daerah yang dang parah-parahnye. Jangan sungkan beperikse ke puskesmas terdekat atau ke huma saket ngan bekurong di huma 14 ahi. Engke mon dek pule penteng nian, dek usahlah balek dulu ke duson.Â
Kesian ngan pe ninekan, adeng-adeng, yang tue ngan gi kecek mudah kene tan atu. Saleng pikerkan kite men memang sayang, isok men tan ini la selesai pacak betegah.
Selame maseh statos PDP (Pasien dalam Pengawasan) ngan ODP (Orang dalam pengawasan) dek usah dulu keluah huma selagi lom dipastikan bebas Corona. Percayelah, ilok tubo mencegah ndai kan mengubati.Â
Sikok lagi, kene corona bukan aib, bukan hal memalukan, jadi misal pedengan tau ade wang kene, minte tulong nian jangan digudak'i, jangan dihina, cukup dijauhi dulu ngan dienjok dukungan engke die cepat semboh. Men die semboh, berarti rantai penyebaran penyaket bekurang.
Segale uhang dek galak kene corona, dek atek wang kepingen kene, tapi takdir Allah men kan kene maseh kene tula. Cuma dengahkan ye, takder laen ngan naseb, naseb pacak dibuat. Mon pedengan sengaje bejalan-jalan petang ngelilengi pasar awak atek gawi, dek bemasker, bekumpol-kumpol ngan uhang ne jaoh2, dek galak bebasoh tangan, atu berarti memang nak nyakah mati nian. Nyakah nian balak, men mati nak ngajak2. Parak'i bai mubel truk minte tumborkan, jadi mati suhang. Abes cerite.
Ude ye, ayo same-same kite saleng jage sanak di mane bai mak ini. Saleng ingatkan, saleng tulong, temasok men die dang suntok. Terime kaseh la bace.
-329
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
