Sarmikun thenger-thenger bingung karepe bapakne kepiye.Kadangkolo mesake kadangkolo jengkel banget,saya suwe bapakne soyo rewel,ngene ora oleh ngono ora oleh.Ngomong salah ora ngomong salah.
Sarmikun sinau soko internet carane iso momong bapakne,saking judhege atine.Nanging bektine kanggo bapakne tansah ora kendhat dilakoni.
Dino iki rewel ngenani panganan sik dituku neng pasar.Jarene amargo bapakne wis tuwo mung ditukoke jadhah tempe.Kudune tukoke burger.Wingenane Sarmikun bar oleh bayaran nukokke burger kesenangane bapakne,nanging malah cuwo amarga jarene bapakne dheweke dudu londo.Saiki suwalike,jarene seprana seprene mung ditukoke jadhah tempe .
Konco-koncone ngomong nek umur semono kui sok wis pikun,lali wingi ngomong opo.Saking judhege Sarmikun akhire duwe akal supoyo bapakne seneng.Konco-koncone do diundang neng ngomahe saben dino.Disuguhi werno-werno,pokoke ngrungoke ceritane bapakne.
Bapakne katon seneng atine,Sarmikun yo seneng iso nyenengke atine bapakne, sik gaweane crito masa kejayaane dek enom.Malah ger-geran.
Nanging suwe-suwe koncone ngilang mboko siji.Seko wong enem  kari wong telu,alasane werno-werno.Dino iki siji meneh sesuk pamit ra iso teko neng ngomahe.
Koncone ditlesih-tlesih ngopo kok podho ra gelem teka.
'Kun bapakmu nek crito dibolan-baleni.Aku sakjane mesake ning arep ngelike ra tekan.Biyen wes crito,saiki crito meneh.Bapakmu asline wes pikun neng ra gelem ngaku pikun'.
Sarmikun nesu bapakne diuneke pikun,njuk nggetak koncone .Wiwit dino kui koncone ora ono sik teka.
Bapakne ngundang  karo mbengok.Yen dheweke sedino durung dicepaki opo-opo.
Sarmikun kaget.Wedang teh,kopi,jajanan pasar sak nampan wes entek kabeh.Berarti bener bapakne wes pikun?
