"Karepe ngomong nanging ora wani...."
"Ah Embah, kadosipun piyambakipun sumanak ngonten kok."
"Hla tenan to, sliramu ya dhemen...."
"Mbaaah...."
"Ora prelu isin marang Simbah, sliramu pancen wis wayahe urip bebrayatan maneh. Sapa ta sing ora butuh sisihan kanggo netepi titahing Gusti. Nanging aku ya ngreti, wanita ora pantes yen nuthuk demung banjur main rebab..."
"Wlaaaah Mbah kok parikan malih ....."
"Ora pantes wanita ndhisiki nembung banjur njaluk dijawab."
"Nanging kula kok kados ngenteni thukule jamur ing mangsa ketiga."
"Apa kang dadi pesthine Gusti bakal dumadi. Kalingan wukir lan samudra tetep bakal nyawiji. Piye yen Mas Dwi Klono sing pinter nari topeng Klono Topeng iku?"
"Halaaaaa....sami mawon Mbah."
"Aja ngonooo....dak sawang dheweke pinter main gender lan slompret. Olehe lungguh seneng jejer lan kok kudu mepet."
