“Setan Jempol, ape, haa?” Mpok Ipeh berkacak pinggang, sangar menatap anak sulungnya itu. “Dasar anak pemalas. Tidur aje kerjaan lu saban hari. Bangun sono! Cari kerjaan, ape kek, biar lu bisa dandanin nih rumah. Bakal kawin lu. Ngarti…!”
“Yaelah, Nyak,” Benjo tidak berani menatap lama wajah sang ibu. “Bangunin baek-baek, nape?” lirihnya sembari mengucek-ngucek sisa belek di mata yang lecek.
“Baek-baek lu kate, hee…” Mpok Ipeh mengangkat tinggi sendok penggorengan. Refleks Benjo mengangkat kedua tangan demi melindungi kepalanya yang menjadi sasaran sang ibu. “Lu tidur paling awal, bangun paling telat. Dibangunin Babeh lu, lu ajak Babeh lu berantem. Segala iwekang lah, gingkang lah lu sebut,”
“Hee…?!”
Pletaaak…
“Nyaakkk,” Benjo meringis, mengusap-usap kepalanya yang kena diketok Mpok Ipeh pakai sendok penggorengan.
“Dibangunin Adek lu, malah lu pikir adek lu cewek bahenol—“
Pletaakkk…
“Adduuhh, ampun, Nyaakk…”
“—Maen peluk aje lu,” dengus Mpok Ipeh. “Kali terakhir Nyak bangunin lu, lu malah ngira Nyak ne si Mpok Atik. Anak kurang ajarrr… Bangun lu, bangun gak?”
“I—yeee…”
