Lenong Betawi

Seni budaya Betawi sering ditampilkan pada acara-acara kerohanian atauwe acara pengantenan yang suka banget disebut Palang pintu, disusunan acara palang pintu ada nyang bawain pantun dan lagu sike. Pantun juga ada dilakon lenong betawi. Nyok ah kite ngepantun.

Nyak (Leha);

Kutu kude di kepalanye si jimat

Katanye gare gare makan mengkudu

Ku tak mau kehilanganmu solmat 

Sebab cuman abang yang ada di hatiku.

Babeh (mamat);

Burung Nuri terbang tinggi

Terbang tinggi ga kenal pulang

Eh leha lu liat tuh Gigi

Udeh banyak nyang ilang.

Nyak (Leha);

Malem-malem makan bawang

Makan nye di atas bukit

Gue akui muke lu emang garang

Tapi sayang pikiran lu se-emprit

Babeh (mamat);

Burung Nuri burung merpati,..

nyak nyeletuk; et dah bang ga ade ape nyang laen, baca pantun isinya burung terus yg disebut. Emangnye burung abang belum dimandiin, sini deh bang, leha yang ajak mandi.

Babe; Du ile.. bini gw comel banget kayak petasan cabe cabean, eh Leha, lu kan tau gue punya burung atu nye... Kan lu tau tuh burung juga boleh dapet dikebon engkong lu. Dah ah ah, gue mo mantun lagi nih.. satu guru satu ilmu jangan lupe lu bini gue leha.. atu-atu nye tau.

Nyak ngedumel; Lanjut deh bang, suka suka lu aje bang, lu nyang punye nih lapak, apalah gue cuman bini yang harus nurut aje sm laki yg pikirannya sempit.

Babe; Lehaaaa, (marah) kapan gue ngepantun.. lu ngebacot lagi, noh lu liat penonton pada nungguin.. hahahaha (leha tertawa). 

Babe; Eeh dasar bini, sayang lu cakep, coba deh ada anak perawan yg lebih cakep dari lu, gue... (Leha: gue ape bang..) gue jodohin ke sodara lu yg masih bujangan. 

Nyak; Eh kirain lu mo pindah ke lain betis. (Leha ngebanyol). Lanjutin bang pantun, kesianan tuh bang lagi pada nungguin sambil nganga tuh. Hahahaha.. leha ketawa lagi.

Babe; lanjut aje nih yee.. beneran niih, lanjut  yeeee.

Nyak kesel; iyeeeeee babeh.

Babe; (babeh nyapa penonton yang lagi fokus) "nungguin yeee"

Babe: leha yang cantik rupawan. 

Nyak; ape bang. 

Babe; Tadi awalnye ape dah. Sambil ngerayu.. gue lupe isi pantunnye, nyang awalan aje.

Nyak; gini nih.. kalo laki dah maunye 

Lanjut nyak; dengerin bang. "burung babeh terbang tinggi, nemplok di jendela, dasar abang udeh tua, gitu aje lupa".. hahahahaha (leha ketawain lakinye) 

babe; buset dah, biarin gue tue, tp hati gue tetep sm lo doangan. 

Lanjut nyak: (cium tangan babeh sambil berucap "terima kasih suamiku yang paling ganteng di dunia" , leha bantu depan nye aje ye.. 

babeh; yoooiii. ;

Nyak; gini bang, dengerin. "burung nuri burung merpati bang. "Cakeep kata babe. Nyak; lu kan minta depan doang. Lanjutin dah ah ah ah. 

Babe:

Burung Nuri burung merpati 

Terbang tinggi nemplok di dahan

Gue emang sukanya ngobral janji

Tapi gue tetep milik leha yang cantik rupawan

Ucapan Babe dan nyak;

Daon salam tambah terasi

Kita ucapin salam dan terima kasih.

Assalamu'alaikum. Terima kasih 

Salam santun pemain Lenong