Peringatan Arwah 7, 40, dan 100 Hari secara Katolik dalam Bahasa Jawa

- Nalika samana Gusti Yesus tindak menyang kutha Naim didherekake para murid lan wong akeh. Breng wis meh tekan gapura, ana wong padha nguntapake layon, anake ontang-anting mbok randha. Priksa mbok randha mau, Gusti trenyuh ing panggalih, banjur ngandika: "Wis aja nangis!" Gusti nyelak, ngasta bandhosane. Dene sing mikul padha mandheg. Gusti nuli ngandika: "Wong mudha, Aku dhawuh, tangia!" Saknalika sing mati tangi, lungguh lan omong. Banjur dipasrahae marang mbokne. Wong-wong kabeh padha wedi, nuli ngluhurake Allah, pangucape: "Aku padaha karawuhan Nabi Agung. Allah karsa nuweni umat Dalem."

- Makaten Sabdaning Kitab Suci.

U Sembah nuwun konjuk ing Gusti

Kidung panglimbang : mrs no.2 utawi no.9 - mazmur 129

Homili

Panyuwunan umum

P Suwawi sami munjuk ingarsaning Allah, Rama ingkang Mahakuwasa tuwin Mahaasih, ingkang sami mungu Sri Yesus, Putra Dalem, saking seda, minangka tanggelaning gesang langgeng tumrap umat ingkang sami pitados.

P Suwawi sami nyambahyangaken sadherek kita NN..., ingkang ing dinten punika kaleres (7, 40, 100) dintenipun sowan ngarsa Dalem Gusti. Karana sakramen baptis sadherek kita punika sampun dados warganing Pasanuwan ingkang andon perang. Keparenga samangke katungilaken kaliyan Pasamuwan ingkang mulya ing swarga.                                                                                                                                U Gusti, mugi nyebadanana panyuwun kawula. 

P Suwawi sami nenuwun supados sadherek kita punika katangekna ing dinten tangining badan, awit sampun nate nampi Salira Dalem Sang Kristus, rejekining gesang langgeng.                                                                                                                                                                                             U Gusti, mugi nyebadanana panyuwun kawula.  

P Suwawi sami nyembahyangaken sanak-sadherek kita, sarta sadaya ingkang sampun nate misaeni kita. Keparenga sami nampi ganjaran matikel-tikel saking Gusti.                                                                                                                                                                                                         U Gusti, mugi nyebadanana panyuwun kawula. 

 P Suwawi sami nyembahyangaken sadaya ingkang sami sumare kanthi pangajeng- ajeng badhe gesang malih. Kepaenga sami kasunaran ing cahyaning katresnan ilahi.                                                                                                                                                                                              U Gusti, mugi nyebadanana panyuwun kawula.