Kagak sehari-harinye aye nulis begini, kudu ade nyang mancing ide. Bikin puisi kagak gampang. Lah, bikin kerak telor aje aye kagak bisa pisan.
Emang aye kagak bisa dah nyang namenye nulis puisi atawa ngerangkai kata kayak orang-orang. Biar dikate aye turunan Jawa, tapi ngomong Jawa aje aye kagak jago. Ngomong betawi aje nih aye khawatir orang betawi asli pade kesinggung.
Akhirnye, aye mo coba mantun.
Semur jengkol sayur asem
Disanding tape ketan ame uli
Liat pantun aye ampe kesengsem
Pasti inget kampung sendiri
Pu'un jamblang di pinggir kali
Buahnya banyak diincer bocah
Kalo kite jalin silaturahmi
Banyak rejeki idupnye berkah
Kalo ade gabus goreng ame sambelnye
Kecium harumnye sampe ke sebelah
Mohon maap sebesar-besarnye
Assalamu alaikum, para pemirsah
(Rosianafe)
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
