Suroboyo

_____SUROBOYO_____

Ojok nganggep arek Suroboyo kalap
Nek arek Suroboyo nerjang senjoto musuh lengkap

Ojok dikiro arek Suroboyo nekat
Mergone modale cumak semangat
Nglawan perang sing hebat

Ojok sepelekno senjoto nok tangane
Utowo lengen sing persis kerongko tangane
Delok'en baja nok dodone

Ojok ngremehno sak suwek kain nok ndase
Delok'en abang puteh berkibar nok atine

Rungokno bengok'ane arek Suroboyo .... Allahu Akbar !!!
Rungokno bengok'ane arek Suroboyo .... Allahu Akbar !!!
Suroboyo sing murko,ngamuk,kesetanen .... Allahu Akbar !!!
Nggetarno kabeh sing krungu

Kabeh dadi cilik
Kabeh karek sak upil
Kabeh nggreges

Suroboyo,
Kuto kewanian
kuto kebanggaan

Endhi sorak-sorak takbirmu
Sing ngobong nyali kedzoliman

Endhi bengok'an merdekamu
Nggetarno barang sing gak adil

Endhi arek-arekmu sing siap
Dadi tumbal kemerdekaan

Karo harga diri
Njogo ibu pertiwi
Karo arek-arek negeri
Utowo opo saiki kabeh katut meloki

Lagu-lagu sak nodo
Gawe njogo keslametan karo ketuwukan
Awak'e dewe-dewe.... Allahu Akbar !!!

Biyen arek-arek Suroboyo
Gak kepingin,
Nyetriko Amerika
Nglinggis Inggris
Nggodo Londo
Murko podo Gurko

Arek-arek gak seneng,
Kedzoliman sing sombong ngrojolelo
Ngotori persodo

Arek-arek kudu nglawan
Masio nyowo sing dadi taruhan
Mergo arek-arek pancen
Pahlawan Suroboyo

Nang ndhi saiki awakmu ndelikno "Pahlawanku"

Karyo Puisi : Cak A. Mustofa Bisri
Di Boso Suroboyo'no Karo : Cak Roncuk Sby