PARNGOLUON NI SI MONANG, MINDO, MURNI & MINAR (DRAMA NATAL)

Babak 1.

Adong ma sada luat, di luat i tinggal do piga-piga keluarga songon pangisina jala adong do naposo na margoar si Monang, si Murni, si Minar dohot si Mindo. Parsikkola SMA dope ianggo nasida na opat alai godang do akka habandalon di ula nasida tarlumobi ma si monang, si minar dohot si mindo. Ianggo si murni denggan do ibana marparange. Tapaihut-ihut ma babak naparjolo...

 (Buka layar)

Oma monang : (makhulhul bonang) monang...o monang.. ai idia do ho amang ? Aitung urupi jo bapa mangombak hauma an..

Monang : (sibuk mar-game jala paula so dibege)

Oma monang : monang...

Monang : ahaii???

Oma monang : nungga opat jom ho naung mulak sian sikkola amang, laos holan namar gim-gim do ho, tung urupi majo bapa mangula hauma ta an nanggo apala satongkin

Monang : (borhat tu balian alai terpaksa)

..................

Bapa & oma mindo : (marbadai di jabu)

Oma mindo : ama-ama aha ma songon ho, haccit uluk ku mangida pangalahom, uang pe habis marjuji dohot masituak dibaen ho, makkatai ginjang roham, soala ni ganteng mu nian, holan na tenggen do ulaon mu

Bapa mindo : (isappaton piring) ho do ina-ina aha, lao ho sian jabu on, sotung dison be ho hu bereng

Mindo : (makkatai sahalak na) "holan namarbadai ma omak dohot bapa on" (dungi lao marmeami tu kode, manuhor si garet) ijo sigaret sabukkus nattulang.. (marisap)

Monang : (mamboan panggu tu balian dipardalanan pajumpang dohot si mindo) hai broo..

Mindo : hai bro, natubalian do ho?

Monang : ido bro, namalasan nian au lao tu balian alai disuruh omak ku (sambil manggarut ulu na)

Mindo : ahhh broo,, disom ma hita, loja maho na tubalian i, nion si garet on, toe marisap ma hita.. asa songon na kerenn

Monang : sekalian tanding margame ha hita ??

Mindo : oke, mainkan...

Monang & Mindo : (mar game sambil marisap)

.................

Murni : bapa,, oma,,

Bapa & oma Murni/Minar : ahai boru ??

Murni : sipatu sikkola ku nungga sega, tuhor bapa dohot oma jo..

Minar : tas hu pe nungga sega bapa/oma, ikkon tuhoron nama na baru

Oma murni/minar : hu jarum pe annon, ima jo pakke hamu paima adong uang ta manuhor naimbaru

Murni : olo oma

Minar : (mardadi) maila au mamakke tas na buruk tu sikkola, dongan hu bagak-bagak do tas na, akka na arga muse

Bapa murni/minar : dang maila iba boru, asal ma burju hamu martuhan, denggan marsiajar, dengan marparange, ido naum penting., Nunggu idokkon oma laho jarumon na, pos roham muna, holan adong uang ta pittor ta tohur pe, toe beta ma tu balian asa tasuan eme ta an

Murni : ido toho do nanidokkon ni bapa i anggi, unang pola maila hita tu dongan akka namora, aisarupa do derajat ni namora dohot napogos di Tuhan ni, jala arga do hita di Tuhan i jadi ido sitiopon ta anggi..

(Pas lagi mardalan si murni lao tu balian jumpang na si Mindo dohot si Monang marisap)

Murni : bahh mindo, monang.. boasa holan namarisapi hamu, parsikkola do pe hamu, muse dang denggan namarisapi tu kesehatan, kan nunggu taparsiajari di parsikkolaan

Mindo : asing ho, lomo nami di hami, urus ma urusan mu..

Monang : hahaha

Murni : (lao sambil martangingang dibagas rohana ) "ohh, Tuhan..pamuba ma rohani akka dongan kon

Songoni ma gambaran kondisi di keluarga ni si Monang, si Mindo, si murni dohot si minar.

(Tutup layar)

Babak 2

Prolog : Marsogot nai lao ma si monang, si murni, si mindo dohot si minar tu parsikkolaan, songon dia do nasida di parsikkolaan, tapaihut-ihut ma babak naparuahon....

(Buka layar)

Monang, mindo, murni & minar : (mardalan lao tu sikkola jala sahat tu sikkola, di peakkon be tas na di meja na be)

Minar : (lao tu pudi ni kelas jala hudul berduaan dohot baoa hallet na disi)

Mindo : holan na marhalleti do ho minar..

Minar : lomo ku,,

Mindo : asa hu paboa jo tu bapak mu annon bahh..hahaha

Minar : unang paboa mindo, su hu karate ho annon

Mindo : bahh, hu paboa.. ho holan nalalap marhalleti, belajar malas.. molo naeng selamat ho dang hona lapor, dia tuson uang jajan..

Minar : na, lima ribu.. alakkon ma, awas molo ipaboa ho annon

Mindo : uhuuuiii,, oke siaaapp boss,, (lao tu kelas) monang, monang,,eta tu kantin cess,,makan-makan hita

Monang : beta,,,

Mindo & monang : (lao tu kantin)

Monang : beta cabut ma annon hita, unang pola masuk kelas nanggo sa les,,

Mindo : bahh beta, asa marscetter hita annon da

Monang : okeeeii

......................

Murni : (lagi majaha buku..)

Dua halak siswa borua : (dengan sinis dan mentel makkatai di jonok ni si Murni) hhhmm,, si sok rajin.. bereng jo bohi nai burikkon.. hahahah pakai skin care dong , ngak ada uang ya untuk beli, kasihan dehh

Murni : unang pola loja hamu menghina au, alana au dang merasa terhina, molo solomo roha muna mardongan tu au, bahh unang dongan ni hamu au

Dua halak siswa borua : eeaallahh, si buruk rupa,..sok sok..

Murni : dang na lagi mengikuti konteks kecantikan hita jadi santai ma,, di pamerengan muna do au si buruk rupa au, anggo di omak dohot bapak ku si putri cantik do au (kembali manjaha jala dang diattoi be halak naduai)

Dua halak sisa borua : (berbisik-bisik menggosipi si murni) hhhmmm.. beta hita tu kantin,, unang jonok-jonok hita tu si sok pintar jala si sok baik ki..hmmm

(Tutup layar)

Babak 3

Di sada tikki, marsahit ma si monang jala posi do anggo parsahiton na. Ia si murni dohot si minar pe masai posi, haccit jala lungun situtu do sitaonon ni nasida alana kecelakaan jala gabe monding do natorasna doli. Tapaihut-ihut ma babak na patoluhon

(Buka layar)

Monang : (peak di podoman jala tangis) agoo acciiit naiii..

Mindo : (ro mandulo si monang) monang..monang.. idia si monang nantulang?

Oma monang : di kamar,, ai marsahit do pe ibana nei, sohuboto be i (marsak dohot lungun), masuk ma damang, asa bereng jo dongan mi

Mindo : (masuk mandapothon si monang) bahh,, bro..nungga boa dihilala ho? Dang ummiran do pe ?

Monang : daong do pe bro,, haccit hu hilala

Mindo : bahh,, hape naeng marmean iba dohot ho gabe dang boi ate..

Monang : ima da, dang hu attusi be on, haccit hu hilala

Mindo : sai hatop ma malum ate broo , lao ma jo au tu balian da

Monang : oke bro

...............

Warga : nattulang,, nattulang..

Oma murni/minar : ai apala ahai ro hamu ?

Warga : songon on nattulang, pasabarhamu ma roha mu ate, sai di pargogoi Tuhan hamu nanttulang

Oma murni/minar : (kuatir dohot panik) ai aha do maksud muna ? Aha namasa, aha namasa ???

Warga : nungga monding tulang bapa ni si murni kecelakaan nangkin di mobil na ditumpangi na i nattulang

Oma murni/minar : amongo,, aha do maksud muna,, oohh Tuhann, aha do namasa on,, (tangis jala gabe pingsan)

Murni & minar : bahh, naboa oma i? Aha namasa ?

Warga : kecelakaan bapak jala nungga be monding di RS do pe nuaeng (tangis)

Murni : (tarsongot, berteriak huhut tangis) bahhh,,, bapaaaa...bapaaa,, ise nama bapak nami.. haccitnai Tuhan, dijohu bapak nami i hape..(manganggug bolon)

Minar : bapaaa,,boasa tinggalhon non mu hami bapaa,, bapa ku naburju boasa tinggal honon mu hami (mangganggu ki)

(Tutup layar)

Bapak 4

Marsahit do pe ianggo si monang jala si murni dohot si minar massai lungun do pe di hila-hila nasida diparsitaonon na i. Alai dang di pasobbu Debata nasida. Tapaihut-ihut ma babak na paopathon

(Buka layar)

Monang : (peak dipodoman alani na marsahit do pe) oh Tuhan,, haccit nai hu hilala namarsahiton,, dangol nai muse mambege barita naung monding bapak ni dongan ku si murni dohot si minar (tangis jala laos marsinggang di podoman na laho martangiang)

Monang : Tuhann,, idia do ho ? Tutu do ho adong ? Molo na tutu ho adong boasa pasombuon Mu akka na lunggun di parngoluan nami on? manang na diuhum ho do hami Tuhan ala ni pardosaon nami i? Aahhh,,Tuhan asiroham di hami, tatap hami on Tuhan (dungi di buka bible laos di jaha)

Monang : hu jaha ma jo bibel on (di jaha efesus 2:4-10) - Alai anggo Debata parasiroha bolon do jala parholongroha na balga maradophon hita. Jala raphon Kristus do dipangolu Ibana hita, angka naung mate di bagasan angka pangalaosion; na sian asi ni roha do, umbahen na malua hamu! Gabe rap dipangolu jala rap dipabangkit hita tu gomgoman banua ginjang, di bagasan Kristus Jesus. Laos patuduhononna do di angka tingki na naeng ro dope surung ni hamoraon ni asi ni rohana, di habasaonna i maradophon hita, di bagasan Kristus Jesus. Ai sian asi ni roha do, umbahen na malua hamu, dalan haporseaon; jala ndada binahenmuna, silehonlehon ni Debata do. Nda tung sian parulaon i, asa unang adong na mamuji diri. Ai jadijadianna do hita, angka na tinompa di bagasan Kristus Jesus, asa marulaon na denggan hita; ai angka i do dipature Debata hian, asa taparangehon i.

Monang : oohh,, Tuhan.. balga ni holong mi hape di hami, aitung pe pardosa hami alai di sesa ho do dosa nami marhita anak mu Jesus sipaluai, porsukpe ditaon hami di tano on alai didongani ho do hami tontong, molo mate pe hami na gabe rapdo hami dohot ho di sorgo harajoon Mi,, asi roham urupi ma hami lao mangula lomo ni roham tontong dingolu nami on. amen

Dokkon ni i gabe muba ma si monang, gabe jolma na mananda jala na makhamuliatehon holong dohot asi-asi ni Debata do ibana.

(Tutup layar-buka layar)

Minar : (tu matangis ala malungun tu among na)

Murni : apus ma ilu-ilumi anggi,, nungga sonang bapa ta i di lambung ni Tuhan i, takkas do di boto ho, na burjo marTUHAN do bapak ta i (dihaol si minar sambil tangis)

Minar : masihol au kak tu bapa,,

Murni : au pe anggi masihol do au tong (tangis jala masihaolan)

Minar : na saleleng on holan na marhalleti do au, malas do au belajar, sipata hu takko do uang ni halak oma dohot bapa laho pakkeon hu pahihut-ihut dongan margaya,, menyesal au kak,, muba na ma au kak,, boa nama hita kak,, holan hita nama dohot oma na ikkon berjuang dihapogoson ta on (sambil tumatangis)

Murni : pos roham dek,, parasiroha do Tuhan ta i asal ma porsea hita tu ibana,jala sai urupan na do hita molo olo hita marhamubaon ni roha,, borju hita mangula akka ulaon ta, nang pe pogos hita, dang pasombuon ni Tuhan i hita (sambil tumatangis)

Minar : ido ate kak,, gabe hu ingot hata ni Tuhan na hu bege di gereja narehai didokkon di Heber 13:5b "Sandok na so tadingkonon Ku do ho; sandok na so pasombuon Ku do ho! "

Murni : ima jaji ni Tuhan tu hita dek,,

Minar : ido kak, mauliate ma di Tuhan,, molo songoni beta ma hita lao mangurupi oma tu balian kak

(Tutup layar)

Babak 5

Nungga malum be sahit ni si monang jala nungga muba ibana sian habandalon na, songoni nang dohot si mindo gabe ihuton do si monang, si murni dohot si minar gabe laum burju nasida na opat. Gabe dongan namarsiurupan jala gabe dongan na marsitangiangan ma halaki. Tapaihut-ihut ma babak na palimahon..

(Buka layar)

Minar : Mindo,,, Monang,,beta hita lao marsikola..

Murni : beta hamu nadua..

Mindo & monang : okeee

(Laos mardalan halaki na opat)

Murni : nungga iattusi hamu tahe pelajaran na taparsiajari nattoari di sikkola ?

Mindo : dang hu attusi do pe bahh,, songon na maol hu rasa

Murni : sogot beta ma rappak hita marsiajar di jabu nami asa marsiajaran hita na opat ate

Mindo, monang, minar : oke,, siapp,, mantap do i

Minar : dang marisap dohot marsceter be hamu na kan ? (Mekkel)

Monang & mindo : bahh,, jelas daong be da,, kan anak Tuhan...(mekkel)

Minar : waahh,, (tepuk tangan) jadi nungga boha oma dohot bapa mindo holan na marbadai dohot tenggen do pe?

Mindo : songoni do pe tong (marsak)

Murni : tenang ma ho broo,, ta tangiangkon pe tontong bapak dohot oma i,, anggiat muba tu joloan on

Mindo : mauliate akka dongan

Monang : ia hamu murni dohot ho minar,, boha do keuangan muna di jabu ? Adong do mambayar kegiatan les tambahan ta na di sikkola i?

Minar : dang adong do pe, alai pos do rohanami martangiang asa dipatupa Debata

Monang : nangkin nungga hu dokkon tu bapak dohot omak hu,, jala bukka do rohani halaki naeng mangurupi,, jadi bapak dohot oma hu pe inna mambayar da

Murni dohot minar : mauliate da monang,,

Monang : tu Tuhan ta i mandok mauliate hita, alana Tuhan do nampunai arta ta i sude jala didokkon Tuhan i ikkon mansiurupan do hita

Mindo : weeehh,, mantappp..lam keren do bro on baahh

(Tutup layar)

Babap 6

Songoni ma si monang,si mindo, si murni dohot si minar burju nasida sahat tu naboi kuliah. Jala dung tammat nasida sian parkuliaan gabe jolma nahasea do nasida di parkerjoan, di tonga ni keluarga Nang ditonga ni masyarakat pe. Di sada tingki pajumpang manasida topet di hari natal di huta hatubuan ni nasida. Tapaihut-ihut ma babak na paonompon...

(Buka layar)

(Monang, murni,mindo, minar marsijalangan huhutut mandok "selamat natal"..)

Monang : boa do parkarejon muna poang akka dongan ?

Murni : molo au maulite ma di Tuhan,,ia karejo ku mangajari akka murid-murid jala mangurupi akka keluarga na kesusahan do jala mardalan do denggan, tanggiangkon hamu asa tottong di urupi Tuhan au patuduhon holong ni Tuhan i tu akka nahuajari dohot hu urupi i, asa lam tarida hamulian dohot holong ni Tuhan ta i disi

Mindo : molo au,, dengan do usaha ku mardalan,, nungga adong sekitar 30 karyawan, tanggiangkon hamu ate asa lancar jala asa boi sejahtera ngolu ni akka karyawan i hu bahen hami, jala asa lam boi di togo-togo hami akka halaki laho mananda hatigoran ni Tuhan ni

Minar : Au pe tangiangkon hamu ate, sebagai artis godang do akka godaan dohot tantangan molo naeng bertahan makkangoluhon hata ni Tuhan i, alai porsea do au na sai urupan ni Tuhan i do au asa gabe habaoran ni pasu-pasu na au disi

Murni : molo ho monang boha do kedan di huta ta on ?

Monang : ia au tangiangkon hamu asa denggan akka suan-suannan, pahan-pahanan dohot akka na hula ditonga ni masyarakat desa ta on, diparsitta-sitta roha ku do asa boi meningkathon kesejahteraan ni petani di desa ta on jala manjaga alam na adong di lingkuangan sekitar desa on asa lestari alam i, songon na nihalomohon ni Tuhan

Minar : waahhh,, maulite ma di Tuhan,, sude holan alani balga ni holong dohot asi ni rohana do.. beta hita mangallang na tabo,, ta baen majo naniura, saksang, natinobbur dohot na pinadar di jabu ni si monang..

Murni, mindo, monang : (bersemangat) betaaa

(Tutup layar)

Selesai

Penulis : Veronica ida tpl/Veronika Tampubolon 

📸Foto dokumentasi pertemuan muda/i desa lumbandolok