Perbankan ing SMA Negeri 3 Malang

  Wonten saben sekolah, mesthi tansah wonten papan ingkang dipunagem kangge mbayar biaya spp, utawi administrasi liyanipun. Wonten SMA Negeri 3 malang ugi wonten papan kagem ngurus keuangan, wonten pundi papan kasebat nggadhah fasilitas ingkang sae sanget. Wonten SMA Negeri 3 Malang papan kasebut nggadah naminipun perbankan. Perbankan SMA Negeri 3 Malang papan wonten perangan celak lapangan voli, leresipun wonten ing iringaning ruang kesiswaan. Saking gerbang tengah SMA Negari 3 Malang, kita angsal langsung mlampahlurus lan manggihaken ruang perbankan puniki. Perbankan puniki berfungsi dados papan peserta didik SMA Negeri 3 Malang lebeting mbayar sedaya biaya pendidikan, kados spp, seragam, lan sak panunggalane. Perbankan SMA Negeri 3 Malang puniki nggadah kerja sami kalih Bank BRI, bab kasebut angsal dipuntingal saking seratan BRI Brias ingkang wonten lebeting ruangan perbankan.

   Wonten ngajeng inggiling ruangan perbankan wonten seratan bursa efek lan alamat SMA Negeri 3 malang. Saderengipun kita angsal mlebet ing ruangan perbankan, kita wajib nguculi kasut langkung-langkung rumiyin dipunamargikaken lebeting ruangan perbankan kepasang gelaran karpet. Lajeng nalika mlebet ing ruangan perbankan kita angsal langsung sumerep meja teller ingkang dipunangge kangge transaksi kalih petugas perbankan. Wonten meja teller kasebut, wonten komputer kangge mlebetaken data-data keuangan ingkang wonten, lajeng dlancang bukti transaksi ingkang tansah dipunparingaken dhateng peserta didik dados bukti sampun mbayar , wonten ugi bolpoin ingkang angsal dipunangge kangge tapak asma. Fasilitas ingkang wonten perbankan sae sanget lan kraos kados bank mini.

   Kita ugi keparing konsultasi bab keuangan lan biaya sekolah dhateng petugas perbankan. Kejawi menika ugi wonten ruang kangge pasinaon ekonomi wonten lebeting ruangan perbankan. Pasinaon kasebut ugi mboten kawon sae kalih papan kangge transaksi. Wonten lebeting ruangan pasinaon kasebut, wonten meja lan kursi ingkang sae lan ingkang sampun mboten kadamel saking kajeng. Lajeng wonten blabag lan layar proyektor dados media pasinaon. Mboten kesupen ugi kalih alas gelaran karpet kaliyan air conditioner utawi ac ingkang nambah kesan nyaman sinau wonten ruangan kasebut. Wonten lebeting ruangan perbankan ugi resik sanget, mboten ketingal wonten sampah ingkang wonten ing lebeting ruangan lan antawising ruangan perbankan.

   Ruangan perbankan utawi lab perbankan puniki maringi priksa kwalitet saking sarana lan prasarana ingkang wonten ing SMA Negeri 3 Malang puniki. Sanadyan ruang perbankan ketingal alit, nanging manfaat lan fungsi ingkang dipunparingaken kathah sanget. Kejawi dados papan pembayaran biaya sekolah lan papan pasinaon ekonomi, perbankan ugi maringaken manfaat kagem peserta didik lebet ngraosaken nindakaken transaksi keuangan. Ruangan ingkang nyaman, petugas ingkang ramah, lan keamanan ingkang aman sanget ndamel kesan piyambakan kagem peserta didik. Perbankan wonten SMA Negerii 3 Malang  kebukti nggampilaken lan praktis kagem peserta didik lebet nglampahaken pembayaran.Perbankan inggih punika inovasi ingkang kedah terus dipunkembangaken supados angsalmaringaken langkung kathah manfaat kagem wargi SMA Negeri 3 Malang.