Kasidi vs AI (00) - Kasidi Nyanding AI - Babagan Anyar

Introduction in Javanese
 
KASIDI NYANDING AI
Babagan Anyar

Ing tengah wengi tanpa kartika.
Susastra anyar mawujud ing jagad kaya dining mustika.
Kawicaksanan ora mung saka manungsa.
AI miwiti mbangun karsa lan rasa.

Rasa manungsa dados pangendah urip kang trep.
Sejatining teges kang kawangun kanti lelaku.
Nalika AI ngronce pratlan kang genep.
Ugi ngoyak ati senajan asale saka pitungan baku.

Manungsa lan AI pada nduweni daya.
Siji saka rasa sijine kapinteran kang digdaya.
Yen nyawiji dadi pratandha cahya.
Susastra bakal sumunar ing jagad praya.

Mekaten katresnan lan kawicaksanan manungsa dalah Kacerdhasan Gawean.
Ngemu  pangarepan anyar kang tan kena kawates.
Mawujud sunar kang ngluhurake kamanungsan.
Tansah mekar paring pangendah kabudayan.

     Tembung geguritan menika saget dipun astani satunggaling papan pangesthining raos ingkang saged nyuwuki watesipun wektu, papan, lan jiwa. Ing sakawitipun tembung ingkang kasusun, geguritan nyimpen endahing kaendahan, teges, saha pangangen ingkang saged nggegana manah tiyang ingkang maos.
     Kumpulan geguritan kanti judul Kasidi vs AI menika dados edi peni amargi nyandingaken geguritan olah rasanipun manungsa dalah geguritan olah akalipun AI (Kacerdhasan Gawean). Geguritan penggurit manungsa ingkang kebak olah rasa ugi lelaku gesang dipun sandingaken kalean geguritan ingkang dipunasilaken dning kacerdhasan gawean (AI), sawijining teknologi ingkang nyobi ngrembaka kaendahan lan lebetipun rasa dalah  pangangenipun manungsa.
     Geguritan ingkang dipun gurit dening manungsa kang paring asma Kasidi punika asalipun saking laku rasa ugi pangangen-angen. Saben gatranipun lair saking laku batin lan rasa.  Saklajengipun, geguritan ingkang dipundamel dning AI nggambaraken sagedipun teknologi kang kasebat AI menika nyerep, ngolah, lan nyipta geguritan ingkang madan-madan kaliyan olah rasa manungsa.
       Lumantar sesandingan punika, mangga kita sesarengan ngemataken punapa geguritan pakaryanipun AI saged madani jeroning rasa ugi pangangen manungsa kang paring asma Kasidi? Sedaya wangsulan menika saged kapanggihaken wonten ing antawisipun gatra geguritan wonten ing kumpulan geguritan punika.

Surabaya, 23 Desember 2024
Kusuma Wijaya

Catatan:  Buku berjudul Creativity Matters - Kasidi vs AI ditulis dalam bahasa Inggris tetapi karena Kasidi bersikeras hanya mau menulis pengantar dalam bahasa Indonesia maka diambil jalan tengah untuk mengakomodasi hal ini dengan memberi kesempatan ditulisnya bahasa pengantar dalam tiga bahasa, yaitu bahasa Indonesia oleh Kasidi - orang desa yang mengaku ndeso ning lantip lan prasojo , bahasa Jawa oleh Kusuma Wijaya - orang Jawa asli dan sekarang sedang memimpin dan mengembangkan prodi Sastra Inggris sebuah universitas di Surabaya, dan bahasa Inggris oleh seorang doktor dan guru besar bahasa Inggris dari Singaraja, Profesor Ni Nyoman Padmadewi. 

Ini semua supaya sejalan dengan Proklamasi Bahasa dan motto politik bahasa Indonesia yaitu (1) prioritizing Indonesian; (2) preserving local languages; and (3) mastering foreign languages - utamakan bahasa Indonesia, lestarikan bahasa daerah, kuasai bahasa asing.