Mligi

ing sawijining diana ing wayah udan ...

Mendhung peteng ngemuli jagad rat

Peteng dhedhet tanpa katingalan.

Kabeh sing disawang sarwa peteng, 

Amung thathit sing bisa madhangi kalamangsane.

Jangkahku nasak petenging wengi.

mbucung pangangen sing ndhedhel ing ngawiyat.

Ora ana kanca, ora ana rowang.

Ya mung Gusti sing dadi pepadhangku,

Satemah sumilak swasananing ati.

Sinaosa panduluku peteng ing kahanan.

Aku ora kelangan gegocekan.

Sumarah maring ngarsaning Gusti

Sembah sujudku amung marang Gusti 

Yaa Allah nyuwun pangapunten sedaya dosa kawula

Kula namung manungsa sawantah ingkang kathah dosanipun.

Nanging sih pangapunten saking Panjenengan alangkung kathah tinimbang dosa kawula.

Yaa Allah amung cahya saking panjenengan ingkang saget kula antu

Kanthi linambaran sih katresnan

Mligi namung panjenengan sawantah.