Natkala udan gawa Januari lunga
Sakeplasan tepak wewayanganmu
Temempel sapucuke ron
Bening kekalung segere hawa
Sajrone taman pepager ngrembuyung ijo
Menawa tirta jaladri kadya mangsi
Tan cukup kanggo guritke pepisahan iku
Dhuh, Januari                              Â
Endahmu agawe lenane rasa
Nuwuhke crita perkara udan
Srengenge, mendhung, kluwung
Sartane kupu kembang kang
Kerem sajrone cumbana
Engga impenmu impenku
Mekar mekrok
Januari tan beda sliramu kang
Bakal mulih ing wismane sih
Ngrangkul raket pundhakku
Tumekeng surute surya pungkasan
                                                        Magelang, 2022
