Kagiatan Bebersih Imah di Kampung Pabuaran Citayam

Kagiatan nyapu di wewengkon pabuaran citayam kelurahan rawa panjang kecamatan bojong gede, jeung ngepel lantai bisa dilaksanakeun ku unggal anggota kulawarga ku cara ngabagi-bagi panceun. Nyapu lantai biasana dilakukeun di awal, diteruskeun ku ngepel lantai. Ieu bisa dilakukeun ku dulur-dulur nu silih usap jeung ngepel lantai.

Hade pisan pikeun tahap awal dibarengan ku kolot nalika ngalakukeunana. Salian ti murangkalih tiasa diajar kabersihan ti leuleutik, ieu oge tiasa ngalatih sikep sareng paripolah budak dugi ka dewasa.

Kabersihan teh wajib pikeun kashatan sarta sangkan ulah loba reungit jeung runtah anu bisa ngabalukarkeun DBD. Lingkungan anu bararesih téh loba pisan mangpaatna pikeun urang. Mangpaat anu pangheulana karasa nya éta ngareunah katempona. Sajaba ti ngeunah tetempoan téh tangtu matak genah nyicinganana. Pipanyakiteun jeung balai ogé bakal jararauh.

Patempatan anu bararesih moal matak sareuseuk kana panon. Dipaké tempat popotoan ogé bakal alus katinggalina. Sabalikna, lamun kotor mah boro-boro nyicingan, dalah nempo na ogé pikageuleuheun.

Lingkungan anu beresih bakal mawa séhat kana pikiran jeung awak. Dina tempat bararesih mah moal loba laleur jeung reungit. Oray ogé moal daékeun kumalampreng. Atuh dimana datang hujan, moal aya runtah nu mendet kana kamalir. Pan éta téh geus ngajauhkeun urang tina karudet jeung kasakit.