Di tingki na manjalo adat i
Titir maranak titir marboru
Sahat tu na saor matua
Da I ma pinarsinta ni roha i
Suang songoni di dok na torop i
Gabe jala saut do sinta-sinta i
Torop do pinompar mi
Sahat do sininta ni rohami
Saor matua ma ho amang inang
Di dalan ni ngolumi damang nang dainang i
Godang hamaolon nang haba haba i
Di laosi ho dang habilangan
Holan humonghop hami gellengmon
Ia dung saonari
Nunga matua hape
ho amang nang dainangi
suda tingki I dang haulaksa
Ganup ari sai di tangianghon
Ganup ari sai hundul ho
Marningot angka pinomparmi
Na dao di tano parserahan i
Sipata masihol ho
Naing marpungu dohot pinomparmi
Alai dang tarhatahon ho i
Holan telepon ma pamalum siholmi
Sai hipas-hipas ma ho amang nang dainang
Di masa hatuaon mi
Asa anggiat marganda angka pasu-pasu
Di pinompar mi
Boi marpungu
Rap mengkel
Rap marende
Rap hundul marnonang di alaman i
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
