Negaraku. . .
Indonesiaku. . .
Kae delengen kahanan ing jaman saiki
Jamanmu tansaya maju
Para mudha kang minangka panerusing bangsa
Wis padha pinter-pinter anggone mikir lan tumindak
Nanging, apa gunane kuwi kabeh?
Kabeh lali marang budayane
Lali marang tata kramane
Lali marang unggah-ungguhe
Akeh kang padha wani marang wong tuwane
Dituturi padha mbalela
Tumindake sawiyah-wiyah
Wis rumangsa dadi wong sing bener dhewe
Apa iya kuwi panerus bangsa kang sejati?
Ilinga, Ngger. . .
Ilinga marang pituture wong tuwamu
Rungakna pangandikane
Yen sejatine tata krama lan unggah-ungguh kudu tetep diuri-uri
Supaya ing tembe uripmu bisa mulya
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
