ᮕᮨᮔ᮪ᮒᮤᮀᮔ ᮍᮏᮌ ᮊᮘᮥᮓᮚᮃᮔ᮪ ᮞᮥᮔ᮪ᮓ
ᮊᮘᮥᮓᮚᮃᮔ᮪ ᮞᮥᮔ᮪ᮓ, ᮊᮜᮝᮔ᮪ ᮞᮌᮜ ᮊᮅᮔᮤᮊᮔᮔ, ᮙᮍᮢᮥᮕ ᮞᮜᮂ ᮞᮠᮤᮏᮤ ᮊᮘᮩᮀᮠᮛᮔ᮪ ᮊᮘᮥᮓᮚᮃᮔ᮪ ᮔᮥ ᮃᮚ ᮓᮤ ᮄᮔ᮪ᮓᮧᮔᮦᮞᮤᮃ. ᮃᮚᮔ ᮓᮤ ᮝᮨᮝᮨᮀᮊᮧᮔ᮪ ᮊᮥᮜᮧᮔ᮪ ᮕᮥᮜᮧ ᮏᮝ, ᮘᮥᮓᮚ ᮞᮥᮔ᮪ᮓ ᮙᮤᮘᮧᮌ ᮞᮏᮛᮂ, ᮒᮢᮓᮤᮞᮤ ᮏᮩᮀ ᮃᮏᮦᮔ᮪-ᮄᮔᮏᮦᮔ᮪ ᮃᮔᮥ ᮅᮔᮤᮊ᮪. ᮓᮤᮔ ᮈᮛ ᮌᮣᮧᮘᮜᮤᮞᮞᮤ ᮄᮉ, ᮕᮨᮔ᮪ᮒᮤᮀ ᮕᮤᮊᮩᮔ᮪ ᮙᮤᮊᮑᮠᮧ ᮏᮩᮀ ᮍᮜᮨᮞ᮪ᮒᮛᮤᮊᮩᮔ᮪ ᮊᮘᮥᮓᮚᮃᮔ᮪ ᮞᮥᮔ᮪ᮓ, ᮞᮘᮘ᮪ ᮜᮄᮔ᮪ ᮍᮔ᮪ ᮞᮅᮊᮥᮁ ᮍᮏᮌ ᮏᮒᮤ ᮓᮤᮛᮤ ᮜᮧᮊᮜ᮪, ᮒᮕᮤ ᮇᮌᮦ ᮙᮝ ᮙᮀᮕᮃᮒ᮪ ᮕᮤᮊᮩᮔ᮪ ᮕᮀᮝᮍᮥᮔᮔ᮪ ᮞᮧᮞᮤᮃᮜ᮪, ᮆᮊᮧᮔᮧᮙᮤ ᮏᮩᮀ ᮜᮤᮀᮊᮥᮍᮔ᮪. ᮓᮤᮔ ᮒᮥᮜᮤᮞᮔ᮪ ᮄᮉ, ᮅᮛᮀ ᮘᮛᮤᮞ᮪ ᮍᮌᮥᮃᮁ ᮕᮨᮔ᮪ᮒᮤᮀᮔ ᮊᮘᮥᮓᮚᮃᮔ᮪ ᮞᮥᮔ᮪ᮓ ᮓᮤᮔ ᮊᮧᮔ᮪ᮒᮦᮊ᮪ᮞ᮪ ᮙᮧᮓᮦᮁᮔ᮪ ᮏᮩᮀ ᮜᮦᮀᮊᮂ-ᮜᮦᮀᮊᮂ ᮃᮔᮥ ᮘᮤᮞ ᮓᮤᮜᮊ᮪ᮞᮔᮊᮩᮔ᮪ ᮕᮤᮊᮩᮔ᮪ ᮍᮜᮨᮞ᮪ᮒᮛᮤᮊᮩᮔ᮪ ᮊᮘᮩᮀᮠᮛᮔ᮪ ᮘᮥᮓᮚ ᮄᮉ.
ᮊᮛᮌᮙᮔ᮪ ᮘᮥᮓᮚ ᮞᮥᮔ᮪ᮓ
ᮊᮘᮥᮓᮚᮃᮔ᮪ ᮞᮥᮔ᮪ᮓ ᮓᮤᮕᮤᮊᮝᮔᮧᮂ ᮊᮥ ᮛᮥᮕ-ᮛᮥᮕ ᮒᮢᮓᮤᮞᮤ, ᮘᮞ, ᮞᮨᮔᮤ ᮏᮩᮀ ᮃᮓᮒ᮪ ᮄᮞ᮪ᮒᮤᮃᮓᮒ᮪ᮔ. ᮘᮞ ᮞᮥᮔ᮪ᮓ, ᮊᮜᮝᮔ᮪ ᮓᮤᮃᮜᮦᮊ᮪ ᮃᮔᮥ ᮠᮞ᮪, ᮙᮍᮢᮥᮕ ᮞᮜᮂ ᮞᮠᮤᮏᮤ ᮎᮤᮛᮤ ᮘᮥᮓᮚ ᮄᮉ. ᮞᮜᮤᮃᮔ᮪ ᮒᮤ ᮆᮒ, ᮊᮞᮨᮔᮤᮃᮔ᮪ ᮒᮢᮓᮤᮞᮤᮇᮔᮜ᮪ ᮞᮕᮨᮁᮒᮤ ᮝᮚᮀ ᮌᮧᮜᮦᮊ᮪, ᮒᮛᮤ ᮏᮄᮕᮧᮀ, ᮏᮩᮀ ᮙᮥᮞᮤᮊ᮪ ᮌᮙᮨᮜᮔ᮪ ᮙᮍᮢᮥᮕ ᮘᮌᮤᮃᮔ᮪ ᮄᮔ᮪ᮒᮨᮌᮢᮜ᮪ ᮒᮤᮔ ᮊᮠᮤᮛᮥᮕᮔ᮪ ᮞᮕᮧᮕᮧᮆ ᮙᮞᮛᮊᮒ᮪ ᮞᮥᮔ᮪ᮓ
ᮃᮓᮒ᮪-ᮃᮓᮒ᮪ ᮞᮥᮔ᮪ᮓ ᮇᮌᮦ ᮙᮤᮘᮧᮌ ᮊᮜᮥᮀᮌᮥᮠᮔ᮪ ᮃᮔᮥ ᮕᮨᮔ᮪ᮒᮤᮀ ᮓᮤᮔ ᮊᮠᮤᮛᮥᮕᮔ᮪ ᮞᮧᮞᮤᮃᮜ᮪ ᮙᮞᮛᮊᮒ᮪ᮔ. ᮓᮤᮙᮤᮙᮤᮒᮤᮃᮔ᮪ ᮒᮤᮔ ᮅᮕᮎᮛ ᮃᮓᮒ᮪ ᮞᮕᮨᮁᮒᮧᮞ᮪ ᮞᮤᮛᮙᮔ᮪, ᮞᮨᮓᮨᮊᮂ ᮘᮥᮙᮤ, ᮓᮥᮌᮤ ᮊ ᮕᮨᮁᮔᮤᮊᮠᮔ᮪ ᮃᮓᮒ᮪, ᮞᮒᮤᮃᮕ᮪ ᮛᮤᮒᮥᮃᮜ᮪ ᮍᮌᮓᮥᮠᮔ᮪ ᮙᮊ᮪ᮔ ᮞᮛᮨᮀ ᮞᮤᮙ᮪ᮘᮧᮜ᮪ ᮃᮔᮥ ᮏᮨᮛᮧ ᮕᮤᮊᮩᮔ᮪ ᮙᮞᮛᮊᮒ᮪ ᮞᮥᮔ᮪ᮓ.
ᮃᮏᮦᮔ᮪ ᮘᮥᮓᮚ ᮞᮥᮔ᮪ᮓ
ᮊᮘᮥᮓᮚᮃᮔ᮪ ᮞᮥᮔ᮪ᮓ ᮇᮌᮦ ᮕᮤᮔᮥᮂ ᮊᮥ ᮃᮏᮦᮔ᮪-ᮄᮔᮏᮦᮔ᮪ ᮃᮔᮥ ᮕᮨᮔ᮪ᮒᮤᮀ ᮕᮤᮊᮩᮔ᮪ ᮓᮤᮙᮥᮙᮥᮜᮦ ᮏᮩᮀ ᮓᮤᮠᮤᮛᮥᮕᮔ᮪. ᮞᮜᮂ ᮞᮠᮤᮏᮤ ᮃᮏᮦᮔ᮪ ᮃᮔᮥ ᮊᮎᮤᮓ ᮓᮤᮒᮔ᮪ᮓᮨᮞ᮪ᮊᮩᮔᮔ ᮑᮆᮒ ᮌᮧᮒᮧᮀ ᮛᮧᮚᮧᮀ, ᮓᮤ ᮙᮔ ᮅᮛᮀ ᮞᮥᮔ᮪ᮓ ᮞᮤᮜᮤᮂ ᮒᮥᮜᮥᮍᮔ᮪ ᮏᮩᮀ ᮌᮝᮦ ᮘᮛᮨᮀ ᮕᮤᮊᮩᮔ᮪ ᮍᮠᮧᮔ᮪ᮒᮜ᮪ ᮎᮤᮒ-ᮎᮤᮒ ᮃᮔᮥ ᮞᮛᮥᮃ. ᮃᮏᮦᮔ᮪ ᮊᮥᮜᮝᮁᮌ ᮇᮌᮦ ᮓᮤᮠᮁᮌᮃᮔ᮪ ᮕᮤᮞᮔ᮪, ᮃᮔᮥ ᮊᮒᮦᮙ᮪ᮘᮧᮀ ᮓᮤᮔ ᮊᮨᮘᮨᮁᮞᮙᮃᮔ᮪ ᮓᮤᮔ ᮍᮛᮚᮊᮩᮔ᮪ ᮛᮥᮕ-ᮛᮥᮕ ᮠᮏᮒᮔ᮪ ᮞᮛᮨᮀ ᮃᮎᮛ ᮊᮥᮜᮝᮁᮌ.
ᮞᮜᮤᮃᮔ᮪ ᮒᮤ ᮆᮒ, ᮊᮨᮃᮛᮤᮖᮔ᮪ ᮜᮧᮊᮜ᮪ ᮓᮤᮔ ᮍᮙᮀᮕᮃᮒ᮪ᮊᮩᮔ᮪ ᮞᮥᮙ᮪ᮘᮨᮁ ᮓᮚ ᮃᮜᮙ᮪ ᮇᮌᮦ ᮙᮍᮢᮥᮕ ᮘᮌᮤᮃᮔ᮪ ᮕᮨᮔ᮪ᮒᮤᮀ ᮒᮤᮔ ᮘᮥᮓᮚ ᮞᮥᮔ᮪ᮓ. ᮕᮢᮤᮔ᮪ᮞᮤᮕ᮪ ᮊᮨᮜᮨᮞ᮪ᮒᮛᮤᮃᮔ᮪ ᮞᮛᮨᮀ ᮊᮞᮄᮙ᮪ᮘᮍᮔ᮪ ᮞᮛᮨᮀ ᮃᮜᮙ᮪ ᮓᮤᮃᮏᮁᮊᮩᮔ᮪ ᮞᮎᮛ ᮒᮥᮛᮥᮔ᮪-ᮒᮨᮙᮥᮛᮥᮔ᮪, ᮍᮏᮔ᮪ᮒᮨᮔ᮪ᮊᮩᮔ᮪ ᮅᮛᮀ ᮞᮥᮔ᮪ᮓ ᮍᮏᮌ ᮃᮜᮙ᮪ ᮃᮔᮥ ᮞᮆ.
ᮜᮦᮀᮊᮂ-ᮜᮦᮀᮊᮂ ᮍᮜᮨᮞ᮪ᮒᮛᮤᮊᮩᮔ᮪ ᮘᮥᮓᮚ ᮞᮥᮔ᮪ᮓ
|᮱|.ᮕᮨᮔ᮪ᮓᮤᮓᮤᮊᮔ᮪ ᮏᮩᮀ ᮕᮔᮜᮥᮀᮒᮤᮊᮔ᮪: ᮍᮛᮧᮔ᮪ᮏᮒ᮪ᮊᮩᮔ᮪ ᮕᮙᮠᮙᮔ᮪ ᮊᮔ ᮊᮘᮥᮓᮚᮃᮔ᮪ ᮞᮥᮔ᮪ᮓ ᮍᮜᮤᮝᮒᮔ᮪ ᮃᮒᮤᮊᮔ᮪ ᮖᮧᮁᮙᮜ᮪ ᮏᮩᮀ ᮄᮔ᮪ᮖᮧᮁᮙᮜ᮪, ᮞᮊᮜᮤᮌᮥᮞ᮪ ᮍᮛᮧᮏᮧᮀ ᮕᮔᮜᮥᮀᮒᮤᮊᮔ᮪ ᮍᮩᮔᮃᮔ᮪ ᮃᮞ᮪ᮕᮦᮊ᮪ ᮊᮘᮥᮓᮚᮃᮔ᮪ ᮄᮉ.
|᮲|.ᮕᮢᮧᮙᮧᮞᮤ ᮘᮥᮓᮚ ᮜᮧᮊᮜ᮪: ᮍᮚᮊᮩᮔ᮪ ᮃᮎᮛ ᮘᮥᮓᮚ, ᮖᮨᮞ᮪ᮒᮤᮗᮜ᮪ ᮏᮩᮀ ᮕᮙᮨᮛᮔ᮪ ᮕᮤᮊᮩᮔ᮪ ᮍᮙᮏᮥᮊᮩᮔ᮪ ᮞᮨᮔᮤ ᮞᮥᮔ᮪ᮓ, ᮙᮥᮞᮤᮊ᮪, ᮒᮛᮤ ᮏᮩᮀ ᮔᮤᮊ᮪ᮙᮒ᮪ ᮊᮥᮜᮤᮔᮨᮁ.
|᮳|.ᮓᮥᮊᮥᮍᮔ᮪ ᮕᮙᮛᮦᮔ᮪ᮒᮂ: ᮑᮚᮧᮌᮤᮊᮩᮔ᮪ ᮊᮝᮤᮏᮊᮔ᮪ ᮏᮩᮀ ᮃᮀᮌᮛᮔ᮪ ᮕᮍᮢᮧᮏᮧᮀ ᮕᮤᮊᮩᮔ᮪ ᮍᮜᮨᮞ᮪ᮒᮛᮤᮊᮩᮔ᮪ ᮊᮘᮥᮓᮚᮃᮔ᮪ ᮞᮥᮔ᮪ᮓ, ᮊᮃᮞᮥᮕ᮪ ᮕᮀᮝᮍᮥᮔᮔ᮪ ᮕᮢᮞᮛᮔ ᮘᮥᮓᮚ ᮏᮩᮀ ᮕᮜᮒᮤᮠᮔ᮪ ᮕᮛ ᮞᮨᮔᮤᮙᮔ᮪ ᮏᮩᮀ ᮕᮨᮜᮨᮞ᮪ᮒᮛᮤ ᮘᮥᮓᮚ.
|᮴|.ᮕᮁᮒᮤᮞᮤᮕᮞᮤ ᮙᮞᮛᮊᮒ᮪: ᮍᮓᮧᮛᮧᮀ ᮕᮁᮒᮤᮞᮤᮕᮞᮤ ᮃᮊ᮪ᮒᮤᮖ᮪ ᮙᮞᮛᮊᮒ᮪ ᮓᮤᮔ ᮊᮌᮤᮃᮒᮔ᮪ ᮊᮘᮥᮓᮚᮃᮔ᮪, ᮘᮧᮂ ᮞᮜᮊᮥ ᮕᮙᮤᮜᮧᮔ᮪ ᮘᮧᮂ ᮞᮜᮊᮥ ᮃᮊ᮪ᮒᮤᮗᮤᮞ᮪ ᮘᮥᮓᮚ.
|᮵|.ᮊᮧᮜᮘᮧᮛᮞᮤ ᮃᮔ᮪ᮒᮁ ᮕᮤᮠᮊ᮪: ᮍᮝᮍᮥᮔ᮪ ᮌᮝᮦ ᮘᮘᮛᮨᮍᮔ᮪ ᮃᮔ᮪ᮒᮛ ᮕᮙᮛᮦᮔ᮪ᮒᮂ, ᮜᮨᮙ᮪ᮘᮌ ᮊᮘᮥᮓᮚᮃᮔ᮪, ᮙᮞᮛᮊᮒ᮪ ᮞᮒᮨᮙ᮪ᮕᮒ᮪ ᮏᮩᮀ ᮞ᮪ᮝᮞ᮪ᮒ ᮕᮤᮊᮩᮔ᮪ ᮍᮛᮧᮏᮧᮀ ᮅᮞᮠ ᮍᮜᮨᮞ᮪ᮒᮛᮤᮊᮩᮔ᮪ ᮘᮥᮓᮚ ᮞᮥᮔ᮪ᮓ.
ᮍᮜᮤᮝᮒᮔ᮪ ᮜᮦᮀᮊᮂ-ᮜᮦᮀᮊᮂ ᮄᮉ, ᮅᮛᮀ ᮘᮤᮞ ᮙᮞ᮪ᮒᮤᮊᮩᮔ᮪ ᮊᮘᮥᮓᮚᮃᮔ᮪ ᮞᮥᮔ᮪ᮓ ᮒᮨᮒᮨᮕ᮪ ᮠᮤᮛᮥᮕ᮪ ᮏᮩᮀ ᮙᮨᮊᮁ, ᮙᮦᮛᮦ ᮙᮀᮕᮃᮒ᮪ ᮕᮤᮊᮩᮔ᮪ ᮙᮞᮛᮊᮒ᮪ᮔ ᮞᮁᮒ ᮏᮓᮤ ᮘᮌᮤᮃᮔ᮪ ᮔᮥ ᮒᮩ ᮘᮤᮞ ᮓᮤᮕᮤᮞᮂᮊᮩᮔ᮪ ᮒᮤᮔ ᮊᮘᮩᮀᮠᮛᮔ᮪ ᮘᮥᮓᮚ ᮄᮔ᮪ᮓᮧᮔᮦᮞᮤᮃ ᮞᮎᮛ ᮌᮨᮙ᮪ᮘᮣᮨᮀ. ᮊᮥ ᮍᮜᮨᮞ᮪ᮒᮛᮤᮊᮩᮔ᮪ ᮊᮘᮥᮓᮚᮃᮔ᮪ ᮞᮥᮔ᮪ᮓ, ᮅᮛᮀ ᮇᮌᮦ ᮍᮏᮌ ᮊᮛᮌᮙᮔ᮪ ᮘᮥᮓᮚ ᮃᮔᮥ ᮙᮍᮢᮥᮕ ᮞᮜᮂ ᮞᮠᮤᮏᮤ ᮊᮘᮩᮀᮠᮛᮔ᮪ ᮘᮀᮞ ᮄᮔ᮪ᮓᮧᮔᮦᮞᮤᮃ.
Serafina Putri Valiskha (XII IPS 3)
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
