Nu Datang Ngagentraan

Sariak layung geus nyurup di mumungang gunung,

Ngagupai ku kalangkang nu manjang ngetan,

Gurilapna cahaya nu ngari kari tonggongna.

 

Tonggeret nyeredet  nyoara  patembalan jeung sora gaang,

Mapaes hate nu keur teu simpe,

Kolebatna lalay matak ngarenjag  jajantung nu keur bingung,

Muwuh waktu ninggang mangsa nu utama,

Mapag peuting  ninggalkeun beurang  nu loba ku kamelang.

 

Duh…Gusti…Geuning wanci ku tereh kasorang,

Wayah Magrib geus datang ngagentraan

Dimumunggang Bale Nyungcung  nu geus caang.

 

Taruma Nagara Wanci Sareupna, 11 Agustus 2015.