Pantun  Nasihat
Karya: Risnawati
1. Tulak marantau ka banua urang
  Basangu rastu wan dua kuitan
  Amun  handak  sunggih  nangkaya  urang
 Jangan  kada  ingat  jasa  kuitan
2. Baiusakan  bajualan  apam
  Kamarian bajual  babakaran
  Jadi  urang  jangan  pandiam
  Amun  pandiam  kada baisi  kawan
3. Mandadai  baju  di higa  rumah
  Arinya  panas  lakas  karingan
  Jadi  urang  jangan  pamarah
  Amun  pamarah  kada  parajakian
4. Matan  Tanah  Bumbu  ka  Kotabaru
  Handak  bamalam  ka pantai  Tamiyang
  Urang  nang  suka  babagi  ilmu
  Banyak  kawan  wan  jua  disayang
5. Mausing  mandai  padas-padas
  Campur  nasi  kada  baiwakan
  Lamun  handak  jadi  urang  cardas
  Balajar  tarus  kada basupanan
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
