Dumadining Rasa
Dening: Risma Kusuma Wardani
Iki caritane kahanan
Sorot ing netra mula kang sinawang
Kinanthi tuwuh wiji tresna sajroning dada
Hangrangkul sukma dumadining rasa
Kasambut rasa bungahing ati
Tansah gembrambyang ing pangangen sepi
Amung siro kang dak wanti-wanti
Karep ati menowo bisa nyawiji
Wis cukup anggonku nyawang tawang
Ngangen sesandingan mlaku bebarengan
Kayata mega ngiringi rembulan
Nalika werna lan cahya ora bisa dibeda
Nalika ukara ora nemu nalarnya
Nanging ojo nganti dawuh agama kanthi dilirwa
Ora ana sing perlu disalahna
Iki mono rak kanugrahan ta?
Ngulurake sesautaning pandonga
Marang Gusti kang maha Kuasa
Yen pancen pesti percaya bakal tumeka
Madiun, 11 Oktober 2021
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
