Tas Anyar

"Ditakoni opo?"

Ditakoni anake, Diman bingung nyauri. Wong lanang iku mikir sediluk.

"Siji tambah siji?"

Ora nyauri, Tomin nduduhno drijine, loro. Diman manthuk-manthuk.

"Lagu Ind..."

"Nyuwun tas, Pak."

Durung nganti Diman nakoni anake, wis kedhisikan. Wong lanang iku meneng karo nyawang anake. Disawang anake sing rupane ketok polos, Diman bingung dhewe.

"Hahahahaha..."

Ora nyauri, Diman malah ngguyu jegagakan. Masio bapake ngguyu banter, Tomin ora melu-melu. Arek lanang iku pancet meneng karo nyawangi bapake.

"Anu...nyuwun Mak e."

Bingung ora iso nyauri, Diman akhire ngongkon anake nang emake. Wong lanang iku nyawang bojone sing lagi nonton tipi. Alise diangkat, ngode bojone.