Tanggal Limo Las

"Aduse ngko ae, sisan."

"Emoh, aku wis adus ngene kok."

"Ngko adus maneh, karo aku hehehe..."

Diman sik ae kate nyekel lengene bojone, moro-moro anake mlebu. Tomin njaluk duit, kate tuku es krim. Diman ngrogoh clonone, wong lanang iku ngelungno duit rong ewuan nang anake. Seneng dikei duit bapake, arek lanang iku mlayu metu maneh. Wiji sing wis mari lek ngaringno rambute ngadeg. Wong wedok iku marani lemari, kate njupuk klambi. Diman sing mau lungguh melu ngadeg.

"Man...Man!"

Durung Diman nyekel bojone, soko njobo suwarane emake mbengoki jenenge. Wong lanang iku glagepan trus metu. Wiji mung mesem trus klamben.

"Malah rung adus. Gek ndang. Jam piro iki?"

"Sik yahmene."

"Yo kudu isuk-isuk, selak Pak Lurahe lungo ngko."

Ora mbantah, wong lanang iku bablas nang jeding, adus. Wiji sing wis mari lek klamben metu nemoni moro tuwane.

"Sarapan, Mak."