[caption caption="llustrasi dari http://mixppl87.blogspot.com/"][/caption]
***
Bengi, ora koyok biasane, Joko woro-wiri nang njero kamare. Arek lanang iku ketok lagi mikir. Diluk-diluk bathuke dikeplak dhewe. Nang njobo, Marni lagi nunggoni anake sing sinau karo ndelok tipi. Eko ngenakno lek rokokan karo nyruput kopi ireng senengane.
Wis ora kuat, akhire Joko metu. Arek lanang iku saiki ganti wora-wiri nang ngarepe bulik karo paklike.
“Lha koen iku lapo?” takone Marni sing ngrisenen ndelok polahe Joko.
“Nutupi, mosok aku mbok kon nyawang bokongmu.”
Joko minggir. Arek lanang iku pindah nyedek paklike.
“Lapo? Pingin rokokan ta?”
“Ojo. Kok malah mbok uruki. Gak usah rokokan. Awak sak biting koyok ngunu kate dadi opo.”
Marni sing krungu omongane bojone langsung mbengok.
