"Minggat!" saure.
"Jare pingin mati?" takone Tomin nggomblohi.
"Menengo cangkemmu," bengoke Diman nang anake.
Mangkel, isin, Wiji ndang-ndang metu karo nggowo bangkelane. Atine lara. Diman mburu karo nyeluki bojone. Kaet teka pager omah, Wiji mandeg. Matane ora sengaja nyawang wong wedok sing liwat nang ngarep omahe.
"Mbak Wij, kate nang ndi?" bengoke wong wedok enom nang duwur sepada motor.
Wiji ora nyauri. Lambene mangap amba. Diman mandeg, ngadeg pas nang mburine. Wong lanang iku melu nyawang Lastri sing lagek dibonceng wong lanang.
"Iku sopo?" takone Wiji nang bojone, lali lek nesu.
"Yo iku calon bojone Lastri. Arek kampung sebelah," saure Diman.
"Wes kate rabi? Opo wes onok telung sasi?" takone Wiji maneh.
"Yo mbuh, urusane dewe. Ayo mulih."
"Rondo sik oleh sesasi ae wes nggandeng lanangan, kate rabi maneh," Wiji nggrundel dewe.
