Paimo Paimin Edisi Kemping

Wes sesasi luweh Rianti, guru ayu ko kutho, ngajar nang Dukuh Penceng, sampek saiki durung onok perubahan sing iso garai seneng, bangga. Arek-arek Dukuh Penceng bukane males, sregep-sregep malah tapi ketoke ancen uteke sing kakean mikirno wedhus angel dijak pinter. Opo maneh gumbulane Paimo. Rianti sing ayu ae (halah, gak onok hubungane) sampek grawuk-grawuk rai saking gemese. Saiki diuruki sesuk wes lali. Saiki diajari sesuk sik mbaleni. Gak bedo koyok omong karo tembok, mendal.

Guru ayu sing wes mulai biasa urip nang ndeso iku muter uteke, golek coro yok opo muride sing dedel-dedel iku iso nyandak lek diajari. Ben bengi Rianti gak iso turu, glubak-glubuk nang kasure. Tapi dudu Rianti jenenge lek ga iso nemu dalan nggo ngadepi masalahe. Wes dipikir bola-boli, wes diitung untung rugine dan de'e yakin lek coro sing tepak nggo arek-arek iku yoiku dijak kemping, mbalik nang alam. Rianti mikir lek arek-arek iku kemungkinan stress dadi angel mikir. Arek-arek iku butuh ngrasakno segere howo gunung, alas, gak cuma mergo ngarit, golek ramban tapi nggo liburan.

Rencanane Rianti wes diomongno nang Pak Dukuh dan disetujui. Rianti yo wes ngomong nang arek-arek. Wektune wes dipilih, sabtu isuk budal munggah gunung sing sakjane yo wes biasa dilakoni arek-arek iku lek lagi golek kayu. Gak kabeh murid melu dan diajak. Mung arek-arek sing joko ae sing dijak, gumbulane Paimo Paimin. Kiro-kiro onok arek wolu ditambah Lik Kadi sing oleh tugas njogo Rianti. Pak Dukuh kuatir lek guru ayu iku sampek diapak-apakno karo arek-arek iku. Sabtu bengi alias malem minggu arek-arek sing wes kesel mari diajak outbond alias clintisan nang alas (red: halah, gak nemu boso sing tepak) podo ngubengi api unggun.

Rianti              : Gimana, pada capek semua ya?

Arek-arek        : Capek, Bu Guru!

Paimin             : Capek tapi seneng, Bu Guru!

Rianti              : Baguslah kalo begitu. Sekarang waktunya malam api unggun. Yang mau nyanyi, baca puisi ato apa saja boleh, silahkan langsung maju. Ayo, siapa yang mau duluan?

Paimo              : Wah, aku kate nyanyi tapi isin.

Paimin             : Ojok! Suaro koyok sapi kawin ae kate nyanyi, garai loro kuping ngko.

Rianti              ; Eh, gak papa Mas Paimin, biarkan Mas Paimo nyanyi. Ayo Mas Paimo, nyanyi aja. Ayo!

Paimo              : (Raine langsung abang, isin tapi akhire gelem ngadek) Lagunya apa Bu Guru?

Rianti              : Terserah Mas Paimo, apa aja boleh.

Paimin             : Gundul-Gundul Pacul ae, romantis! (asline ngunu cemburu, gak trimo)

Arek-arek        : (Langsung ngakak kabeh)

Paimo              : (Misuh nang njero ati, gak wani karo Paimin soale) Lagu ini kutujukan untuk para GELANDANGAN (sengojo dibanterno karo madep nang Paimin), sebuah lagu dari Bang Haji (langsung njupuk ancang-ancang trus mulai nyanyi)

Arek-arek        : (Keplok-keplok karo nutupi kuping. Lah, yok opo carane?)

Rianti              : Ayo siapa lagi yang mau nyanyi ato puisi mungkin? Ayo, nggak usah malu.

Paimin             : (Langsung angkat tangan, gak gelem kalah) Aku juga mau Bu Guru!

Rianti              : Iya, silahkan Mas Paimin. Langsung berdiri saja. Mau nyanyi atau puisi?

Paimin             : Puisi, Bu Guru.

Rianti              : Iya, silahkan.

Paimin             : Puisi ini khusus kutulis buat seseorang yang begitu spesial (red: kapan nulise, wong moco ae durung lancar *curiga*).

Arek-arek        : Ihiiiiiyyyyy!

Mbekkk! (Lah?)

(red: Lali durung cerito, Maman koyok biasane gak iso urip lek gak onok Carolina dadine wedhus iku yo dijak kemping. Gak cuma diajak tapi Carolina yo didandani maksimal. Cek wedhus wedok iku gak kademen, Maman wes nyiapno jaket. Jarite mak'e sing lawas dijupuk trus didondomi dewe, dimodel jumper. Stagene mak'e diketok, didadekno syal, diubetno nang gulune Carolina. Lek Maman gowo tas, masio dudu ransel tapi mung glempo, Carolina yo digawekno tas. Tas soko karung goni bekas adah pari, dimodel ransel trus ditalekno nang boyoke Carolina. Gak cuma iku Carolina yo digawekno kocomoto, halah selot nggilani).

Paimin             : Puisi ini judulnya Guruku Ayu. Ehmm...ehm.

Guruku, rupamu ayu, garai cenat-cenut atiku ben delok raimu

Guruku, rupamu ayu, garai aku ra tau iso turu

Guruku, gak cuma raimu tapi polahmu mesti garai aku kudu ngguyu

Asyu, mung iku sing iso metu ko cangkemku ben delok awakmu

Bukane misuhi awakmu tapi aku gak kuat ngempet roso iki nang njero atiku

Guruku, gelem gak sampeyan dadi pacarku?

Arek-arek        : Ihiy...ihiiiy! Suit...suit!

Rianti              : Bagus, bagus sekali! (keplok-keplok padahal gak ngerti artine)

Lik Kadi          : Rai koyok garangan ae ngipi dadi pacare Bu Guru, ngoco! (Gak trimo krungu puisine Paimin)

Carolina           : Mbekkk! Embekkk! (artine: elek! elek pol!)

Rianti              : Ayo, ada lagi yang lain?

Arek-arek        : Maman! Maman! Maman!

Maman            : (Mesam-mesem gak jelas, isin) Gak, aku gak iso!

Carolina           : Mbekkk! Mbekkk! (artine: ayo Mas, ayo!)

Rianti              : Ayo Mas Maman, jangan malu.

Maman            : Aku nggak bisa, Bu. Yang lain saja.

Paimo              : Halah, gocik. Maju ngunu ae gak wani!

Paimin             : Duet karo wedhusmu kono, nyanyi bareng!

Arek-arek        : Hahahahahaha!

Maman            : (Gak gelem disepelekno akhire gelem maju) Baiklah karena banyak yang memaksa...

Paimin             : Sopo yoan sing mekso? GR! (mangkel mergo cemburu, wedi lek Rianti seneng)

Maman            : Sebuah puisi untuk orang yang kusayangi. Aku oleh Maman Sumaman.

Aku mungkin cuman tukang ngarit tapi awakku ga bedo karo atlit

Aku ancen durung iso moco tapi deloken mataku lek pingin ngoco

Aku ancen ga patio ganteng tapi aku areke anteng

Aku ancen kere tapi sayangku ojok diece

Raiku mungkin koyok preman tapi yakino sayang, atiku gak kalah karo ikhwan

Arek-arek        : (keplok-keplok) Ihiyyy! Ihiyyyy!

Carolina           : Mbekkk! Mbekkk! (artine: Hidup Mas Maman! Hidup Mas Maman!)

Rianti              : (Melu keplok-keplok karo mesem seneng padahal, pisan maneh, gak ngerti artine)

Maman            : (Mesam-mesem trus dada-dada nang arek-arek, macak artis)

Gak cuma dada-dada, Maman sing kesenengen malah selot ndadi. Koncone disalami siji-siji, halah. Polahe Maman plus arek-arek sing ketoke luweh milih Maman garai Paimin panas ati. Arek lanang iku prengat-prengut karo misuh-misuh nang njero ati. Atine selot loro pas ndelok Rianti melu mesam-mesem.

Paimin             : Cuk, ambu opo iki?

Paimo              : Hooh, gak enak. Huekkk!

Paimin             : Woo, ojo-ojo Carolina nelek iki. Pasti iki. Cuk! Ngene ki lek kemping ngowo wedhus! Ngrepoti!

Paimo              : Iyo, mesti ki goro-goro wedhuse Maman!

Maman            : Carolina gak tau ngeseng sembarangan. Nguyuh yo mesti nang nggone! (Gak trimo wedhuse diilok-ilokno)

Paimin             : Lha trus iki ambune opo? Cuk, kudu mutah aku. Ambune koyok bathang! Wedhus tenan!

Paimo              : Ngentut be'e. Beleh ae Carolina, dipanggang nang api unggun!

Carolina           : Mbekkk! Mbeekkk! (artine: dudu aku cuk! aku gak nelek! aku yo gak ngentut! asyu kon iku!)

Lik Kadi          : Wes ojo gembrah ae. Ndang podo turu, wes bengi!

Paimin             : Ancen arek sedeng! Edan! Keloni kono wedhusmu! Ngrusak acare ae senengane! Gowo adoh, awas lek wedhusmu nang cedekku, tak panggang! Tukang nelek, wedhus!

Maman            : (Nyawangi Carolina, melas) Kon ngentut ta? Lek ngentut ngaleh, ojok meneng ae. Isin karo Bu Guru (lirih lek ngomong karo ngelus-elus gundule Carolina)

Carolina           : Mbekkk! Mbekkk! (artine: dudu...dudu aku sing ngentut! sumpah!)

Rianti              : (krembuk-krembuk ngaleh karo nyekeli wetenge sing loro)

dijupuk ko blog'e wong edan

***